Astana qalasyndaǧy Esıl audandyq äkımdıgı osy audannyŋ ūzaq jyldar boiy Ardagerler keŋesın basqaryp kele jatqan Rysty Atyǧaevanyŋ mereilı tuǧan künın saltanatty türde atap öttı.
Rysty apai – elgezek, jany taza kısı. Kım-kımge de qol ūşyn beruge daiar tūrady. Otbasylyq qasietımen de köpke ülgı bolǧan ardaqty ana. Saltanatty şarada tuǧan kün iesıne Astana qalalyq Ardagerler keŋesınıŋ töraǧasy Sansyzbai Esılov ızgı lebızın bıldırdı.
– Rysty Tūrǧymbaiqyzy – osy elordaǧa belgılı azamatşa. Köp jyldar Işkı ıster salasynda jūmys ıstedı. Onda da jaqsy mınezımen elge tanyldy. Zeinetkerlıkke şyqsa da saptan qalmai, 13 jyl boiy Esıl audandyq Ardagerler keŋesın jemıstı basqaryp keledı. Jasy ülken qariialardyŋ janaşyry. Köptegen qoǧamdyq şaralardyŋ ūiytqysy. Osyndai adaldyǧy men eŋbekqorlyq qasietı joǧary adamnyŋ aramyzda jürgenı jastarǧa ülgı. Sondyqtan, sızdı tuǧan künıŋızben qūttyqtaimyn. Ūzaq ǧūmyr tıleimın, – dedı ol.
Odan keiın apaidy özı ūzaq jyldar eŋbek etken qalalyq Işkı ıster departamentınıŋ Ardagerler keŋesınıŋ ökılderı qūttyqtady. Esıl audanynyŋ äkımı Säbila Mūstafina onyŋ ömır joly men qyzmettık belesterı turaly aqtaryla söiledı. «Jastarǧa ülgı bolar kısımen ärıptes bolyp jürgenımızdıŋ özı maqtanyş» dep tuǧan kün iesıne syi-siiapat körsettı.
Şara soŋynda mereitoi iegerı jinalǧandarǧa alǧys aityp, aq batasyn berdı.
Azamat ESENJOL
