Keşe Qoǧamdyq damu basqarmasynyŋ ūiymdastyruymen qalalyq Ardagerler keŋesınıŋ belsendılerı qatysqan döŋgelek üstel şarasy öttı.
Kün tärtıbı boiynşa aldymen Astana qalalyq Ardagerler keŋesınıŋ töraǧasy Sansyzbai Esılov elordamyzda maidangerler men zeinetkerler qauymynyŋ, onyŋ ışınde audandyq jäne bastauyş ūiymdardyŋ jürgızıp otyrǧan jūmystaryn baǧalap, aldaǧy atqarylatyn şaralar jaiynda baiandap berdı. «Bızdıŋ ūiymnyŋ bırınşı kezektegı maqsaty – kömekke asa mūqtaj qarttarǧa qoldau körsetu. Osy baǧyttaǧy jūmysty aldymen özımız jandandyruymyz kerek. Būl rette qala äkımdıgı tarapynan, sondai-aq demeuşıler jaǧynan qoldau berılıp keledı. Degenmen özımız de belsendı bolaiyq» dep atap öttı Sansyzbai Seiıtjanūly.
Bügıngı taŋda Ardagerler keŋesı dästür boiynşa qazan aiynyŋ basynda atalyp ötıletın Qarttar künıne arnalǧan şaralardy joǧary deŋgeide ötkızudı josparlap otyr eken. Atap aitqanda, atauly künge orai ailyq ötkızu közdelgen. Onyŋ aiasynda kömekke mūqtaj qarttarǧa qaiyrymdylyq kömek körsetu, konsertter, ūrpaqtar sabaqtastyǧyn ūlyqtaityn şyǧarmaşylyq kezdesuler, fleşmob oiyndary ūiymdastyrylmaq.
Sonymen qatar, döŋgelek üstel barysynda ardagerlerdı merzımdı baspasözge jazdyru mäselesı de qaraldy. Būl oraida töraǧanyŋ orynbasary E.Düisenov tiıstı basqarmalarmen, sondai-aq gazet basşylarymen kelısımder jürgızıletının, oquǧa niet bıldıretın ardagerlerdıŋ bärıne gazet jazyp beruge küş salatynyn jetkızdı.
Keŋestıŋ mädeni-būqaralyq jūmystar jönındegı tūraqty komissiiasynyŋ jetekşısı N.Şivrina qala boiynşa atqarylǧan şaralar jaiynda baiandap, belsendı ardagerlerge rizaşylyǧyn bıldırdı.
Döŋgelek üstel jiynynan ūqqanymyz, elordalyq ardagerler qauymynda tynym joq eken. Ärdaiym osylai bolyp, zeinettıŋ qyzyǧyna bölenıp jürgeisızder, qadırlı ardager qauym!
