«ÄRKIMNIŊ DAUYSY MAŊYZDY!»
«Astana-önım» aksionerlık qoǧamy – «Ärkımnıŋ dauysy maŋyzdy!» atty «Atameken» Ūlttyq käsıpkerler palatasy ūiymdastyrǧan aksiiany alǧaşqylardyŋ bırı bolyp qoldady.
«Aksiiaǧa qatysu – ärqaisymyzdyŋ azamattyq mındetımız. Būl şarany qoldau arqyly bız eldıŋ damuyna öz ülesımızdı qosamyz. Barlyq otandastarymyzdy, özımız siiaqty käsıpkerlerdı elımızdıŋ ömırındegı eŋ maŋyzdy şaraǧa belsendı qatysuǧa şaqyramyn» dedı «Astana-önım» kompaniiasynyŋ bas direktory Ǧalymjan Äbdıhalyqov.
1998 jyly qūrylǧan «Astana önım» brendımen süt önımderın öndıretın attas kompaniia – qaladaǧy beldı şaruaşylyqtardyŋ bırı. Käsıporyn qymyz, şūbat, airan, qūrt, mai, ırımşık, qaimaq tärızdı aǧarǧannyŋ 20-dan astam türın şyǧarady. Onyŋ önımderın qalanyŋ 150-den astam mekemelerı paidalanady eken. Endı tūtynuşylarǧa jaqsy tanys «Astana-önım» süt taǧamdary «Ärkımnıŋ dauysy maŋyzdy!» degen stiker japsyrylǧan küiınde qala dükenderıne tüsetın bolady. Aksiianyŋ maqsaty da özımızdıŋ önım arqyly astanalyqtardy aldaǧy Qazaqstan Respublikasy prezidentın sailauǧa qatysuǧa ündep, qoǧam aldyndaǧy azamattyq paryzyn atqaruǧa şaqyrady.
Aksiiany qoldau şarasy aiasynda jurnalister «Astana-önım» AQ ǧimaratyna aparyp, önım daiyndau üderısı men «Ärkımnıŋ dauysy maŋyzdy!» stikerı basylǧan otandyq önım türlerımen tanysty.
Aigül UAISOVA