Armandar oryndalatyn qala
Nūr-Sūltan qalasynyŋ äkımı Altai Kölgınov qūrylys salasynyŋ qyzmetkerlerın käsıbi merekelerımen qūttyqtady.
«Qalamyzdaǧy äleumettık üiler, mektepter, auruhanalar, joldar, saiabaqtar men aulalar qūrylysşylardyŋ eŋbegımen salyndy. Qūrylys salasy qyzmetkerlerınıŋ kündelıktı qajyrly eŋbegınıŋ arqasynda qalamyz ösıp, odan ärı körkeiıp keledı. Olar kündız-tünı, aiazda da, ystyqta da jūmys ısteidı. Elordanyŋ avtory jäne bas säuletşısı – Elbasy. Tūŋǧyş Prezidenttıŋ astanany köşıru turaly şeşımı – pragmatizm men köregendıktıŋ ülgısı. Qūrylysşylar 300 myŋ halqy bar şaǧyn qalany qarqyndy ösıp kele jatqan astanaǧa ainaldyrdy. Qala tūrǧyndarynyŋ sany tört ese östı. Barşa qūrylys salasynyŋ qyzmetkerlerın käsıbi merekelerımen qūttyqtaimyn! Sızderge zor densaulyq, baqyt jäne tabys tıleimın!» dep jazdy A.Kölgınov Instagram paraqşasynda.
Elordamyz qūrylys sektorynda köşbasşy bolyp qala beredı. Qalada jyl saiyn milliondaǧan şarşy metr tūrǧyn üi, äleumettık nysandar salynyp jatyr. Nūr-Sūltan – armandar oryndalatyn qala. Memleket basşysy elordanyŋ damuyna erekşe köŋıl böledı. Prezidenttıŋ tapsyrmasyna säikes biyl qoljetımdı äleumettık tūrǧyn üi qūrylysynyŋ kölemı üş ese artty.