Arystan qalys qalǧan joq

Keşe elorda äkımdıgınde Arys qalasyn qalpyna keltıruge qatysqan Nūr-Sūltan qalasy ştabynyŋ müşelerı qūrmetteldı. Bas qala basşysy Altai Kölgınovtıŋ marapatyn onyŋ orynbasary Nūrlan Nūrkenov tapsyrdy.– Arys qalasynda eŋ auqymdy jūmys Nūr-Sūltan şaharyna tapsyryldy. Elordalyqtar Arysta №9 sektorda eŋbek ettı. Onda 500-den astam jeke üige kürdelı jöndeu jürgızıldı. Jaŋadan 160 üi salyndy. 54 köppäterlı tūrǧyn üi jöndeldı. Qūrylysşylar jaŋa 3 köppäterlı üidı tūrǧyzdy. Būǧan qosa, tūrǧyndarǧa qūjattardy räsımdeu, qalpyna keltıru boiynşa qanşama kömek pen zaŋgerlık keŋes berdı. Sol jūmys üşın bızge basty baǧany jaŋa üilerıne, jöndelgen baspanalaryna kırgen halyq berdı. Arystyqtar elordalyq ştabqa köptegen beinejoldau men hat jıberu arqyly alǧys aitty. Būl ıske bır jūdyryq bolyp jūmyla kırısken būl – barşamyzdyŋ eŋbegı. Jalǧyz adam tük te bıtıre almauşy edı, – dedı N.Nūrkenov.
Qala basşysy Altai Seidırūly­nyŋ da Nūr-Sūltan qalasy ştabynyŋ müşelerıne alǧysy şeksız ekenın aitqan orynbasary būl jūmys äkımnıŋ baqylauynda bolǧanyn, ştab jetekşısı retınde onymen künde bailanysta bolǧanyn jetkızdı.
– Altai Seidırūly bırneşe ret Arysqa kelıp, atqarylǧan jūmys­tarmen tanysty, tūrǧyndarmen kezdestı, Ükımet basşysymen bırge qarjylandyru mäselelerın şeştı. Qarjy dūrys bölınbese, eşteŋe bıtıre almas edık. Arys bärımızdı bırıktırdı. Qaida jürsek te, arada qanşa uaqyt ötse de būl eşqaşan ūmytylmaidy. 47-50 gradus ystyqta, qauıptı jaǧdaida taŋnan qara keşke deiın eŋbektendık. Ökınışke qarai, barşamyz üiımızge aman-esen orala almadyq. Dosymyz, ärıptesımız Ermek ­Tüitebekovten qapyda aiyryldyq. Bırneşe apta būryn qala äkımı onyŋ jūbaiyn qabyldap, Ermekke dünieden ozǧan soŋ berılgen memlekettık marapatty tapsyrdy. Marqūmnyŋ artynda bala-şaǧasy qaldy. Olar kämeletke tolǧanşa qamqorlyq körsetu – barşamyzdyŋ mındetımız, – dedı N.Nūrkenov.
Sözınıŋ soŋynda qala basşysynyŋ orynbasary ştab müşelerın jaŋa jylmen qūttyqtap, amandyq, tynyştyq, barlyq jaqsylyqtardy tıledı.