Jaŋa jyl qarsaŋynda Şūbar tūrǧyn üi alabyndaǧy Qalqaman jäne Narkesken köşelerınıŋ qiylysynda ornalasqan problemaly nysannyŋ bırı «Komfort De Luxe» TK paidalanuǧa berıldı. Osyǧan bailanysty 3 podezden tūratyn tūrǧyn üi keşenı aldynda saltanatty şara öttı. Osynau quanyşty künı 200-den astam otbasy jyldar boiy kütken päterlerınıŋ kıltın aldy.
Josyqsyz qūrylys saluşylardyŋ kınäsınen tūrǧyn üi 2015 jyly problemalyq dep tanylyp, 2018 jyly Nūr-Sūltan qalasy äkımdıgınıŋ tūrǧyn üi qūrylysyndaǧy ülestık qatysu mäselelerı jönındegı vedomstvoaralyq komissiiasymen «Elorda qūrylys kompaniiasy» uäkılettı ūiymyna «Nūrly jer» memlekettık baǧdarlamasy aiasynda aiaqtau ūsynylǧan bolatyn. Osyǧan orai, Nūr-Sūltan qalalyq äkımdıgı elordadaǧy problemalyq nysandardyŋ qūrylysyn aiaqtau üşın jauapty memlekettık organdar men oryndalu merzımderı belgılengen ıs-şaralar josparyn äzırlep, bekıttı.
Saltanatty şarada Nūr-Sūltan qalasy äkımınıŋ orynbasary Altynbek Qaisaǧaliev söz söilep, üleskerlerdı qūttyqtady. «Jaŋa jyl qarsaŋy sızder üşın de, bız üşın de zor quanyşty boluda. Osy quanyşpen Nūr-Sūltan qalasy äkımı Altai Kölgınovtıŋ atynan qūttyqtaimyn. Qazır köpten armandap kütken päterlerıŋızdıŋ kıltın tabystaimyz. 200-den asa otbasynyŋ jetı jyl būryn qūrylysy bastalǧan, türlı qiyndyqtarǧa tap bolǧan baspanasyna aqyry qol jetkızuı Tūŋǧyş Prezident – Elbasy N.Nazarbaevtyŋ, Memleket basşysy Q.Kemelūlynyŋ qoldauymen, Ükımet basşysynyŋ qarajat böluımen ıske asyp otyr. Qūrylystyŋ barysynda köptegen qiyndyq boldy, osy jetıstık merdıger kompaniia, «Elorda qūrylys kompaniiasy», äkımdıkpen jäne sızderdıŋ qūrylys kooperativı basşysy, töraǧasynyŋ yntymaqtasa jūmys ısteuınıŋ arqasynda bolyp otyr» dei kelıp, «Komfort De Luxe» tūrǧyn üi keşenı qūrylysyna belsendı atsalysqan azamattarǧa alǧys bıldırdı. Saltanatty jaǧdaida qala äkımı Altai Kölgınovtıŋ atynan jekelegen azamattarǧa alǧys hattar tapsyryldy, öz kezegınde üleskerler de äkımdıkke rizaşylyqtaryn bıldırdı.
Mūnymen qosa, 2015 jyldan berı problemaly nysanǧa ainalǧan «Arystan» köppäterlı tūrǧyn üi keşenınıŋ A blogy da qoldanysqa berılıp, 140 otbasyǧa päter kıltı tapsyryldy. Nūr-Sūltan qalasy äkımınıŋ orynbasary Altynbek Qaisaǧalievtyŋ aituynşa, būl nysan qūrylysyn tolyǧymen aiaqtau «Elorda qūrylys kompaniiasy» JŞS-ke jükteledı. Qazır keşennıŋ injenerlık, elektr, jylu jelılerın ıske qosu boiynşa tiıstı şaralar qabyldanuda.
Jadyra ŞAMŪRATOVA
