Elorda halqynyŋ sany jyldan-jylǧa ösıp keledı. Säikesınşe äleumettık osal toptaǧy azamattaryn qamtamasyz etıp, äleumettık qoldau baǧytynda jasalatyn jeŋıldıkter de köbeidı. Būǧan biudjetten äjeptäuır qarajat qarastyrylǧan.
Biylǧy jyly Nūr-Sūltan qalasynda äleumettık qoldau aiasynda 159 myŋ adam qamtyldy. Onyŋ ışınde 25 myŋy – mümkındıgı şekteulı jandar, 80 myŋy – zeinetkerler, köpbalaly jäne az qamtylǧan otbasylar da bar.
Nūr-Sūltan qalasynyŋ Jūmyspen qamtu jäne halyqty äleumettık qorǧau basqarmasynyŋ basşysy Säule Nūrǧojinanyŋ aituynşa elorda azamattarynyŋ äleumettık jaǧdaiyna erekşe nazar audarylady. Sonyŋ ışınde äleumettık osal toptarǧa jatatyn azamattar tegın jolaqymen qamtamasyz etılgen. Biyl atauly äleumettık kömektıŋ jaŋa formaty engızıldı. Az qamtylǧan otbasylar memleketten äleumettık kömek alady. Mümkındıgı şekteulı adamdar üşın qaita qalpyna keltıru, iaǧni reabilitasiialyq em tegın jürgızıledı. Nūr-Sūltan qalasynyŋ Jūmyspen qamtu basqarmasy arqyly mümkındıgı şekteulı, mügedek balalarǧa qyzmet körsetu qarastyrylǧan, äsırese, ükımettık emes ūiymdar «Orda», «Asyl miras», t. b. ömırde kezdesetın ärtürlı qiyn jaǧdailarǧa tap bolǧan adamdarǧa qol ūşyn sozyp, kömek körsetedı. Sondai-aq tamyz aiynda Nūr-Sūltanda «Janūia» otbasylyq ortalyǧy aşyldy.
«Janūia» ortalyǧy – mümkındıkter alaŋy
Ortalyqtyŋ «Open space» alaŋynda elordalyqtar jūmys tabu, biznes aşu, özın tolǧandyrǧan äleumettık mäsele boiynşa aqparat pen keŋes alady. 12 memlekettık jäne kvazimemlekettık sektor jūmys ısteitın ortalyqtyŋ mamandary AÄK alu, käsıptık oqudan ötu, jūmysqa ornalastyru, jappai oqytu baǧdarlamasyna qatysu, balabaqşaǧa kezekke qoiu, qamqorşylyqty ornatu, järdemaqylardyŋ barlyq türlerın jäne t. b. alu mäselelerı boiynşa qyzmet körsetedı. «Janūia» ortalyǧynyŋ bastamalaryn joǧary baǧalaǧan Memleket basşysy Qasym-Jomart Toqaev atalǧan mekemenıŋ täjıribesın elımızdıŋ barlyq aimaqtarynda ıske asyru kerek ekenın aitty. Aşylǧan künnen bastap ortalyqqa 7130 adam jügıngen, 15327 ötınışın 11669-na jüielı keŋes berıldı. Onyŋ ışınde 3556 mäsele öz şeşımın tapty.
Qoldaudyŋ taǧy bır tiımdı baǧyty – jalpyǧa bırdei bılım beru qory arqyly «Mektepke jol» nauqany aiasynda äleumettık kömek körsetu bolyp tabylady. Jalpyǧa mındettı oqu baǧdarlamasynyŋ arqasynda oquşylarǧa mektep formasyn aluǧa ärqaisysy 30 myŋ teŋgeden 12,8 myŋ sertifikat berıldı.
Üş esege ūlǧaitylady
Memleket tarapynan mūqtajdarǧa tūrǧyn üi kömegın körsetu boiynşa belsendı şaralar qabyldanuda. «Berekelı baspana» baǧdarlamasy aiasynda kezekte tūrǧandarǧa 298 päter berıldı. Olardyŋ arasynda 150 köpbalaly otbasy bar. «Baqytty otbasy» tūrǧyn üi baǧdarlamasy şeŋberınde 414 ötınım maqūldandy. «Nūrly Ertıs» baǧdarlamasy astanalyqtar üşın ülken sūranysqa ie bolyp, jyl basynan berı Ekıbastūzǧa jalpy sany 1161 adam bolatyn 222 otbasy qonys audardy. Būdan basqa, «Eŋbek» nätijelı jūmyspen qamtudy jäne jappai käsıpkerlıktı damytu memlekettık baǧdarlamasy boiynşa Soltüstık Qazaqstan oblysyna 62 otbasy köşırıldı. Bügıngı taŋda ötınımderdı qabyldau qala äkımdıgınıŋ tūrǧyn üi qorynda jalǧasuda. Keler jyly tūrǧyn üi qūrylysy üş esege ūlǧaitylady dep kütılude.
Köpbalaly analarǧa elordalyq biznesmender de barynşa qoldau körsetude. ŞOB pen mesenattardyŋ küşımen 1742 otbasy 133,1 mln teŋgege azyq-tülık korzinasyn, qatty otyn, kiım, aiaq kiım jäne qarjylyq kömek aldy. Sondai-aq olardyŋ tūrǧyn üilerıne 1 004 uly gaz ben tütınnıŋ joǧary deŋgeiın habarlaityn avtonomdy datchikter ornatyldy. Mädeni ıs-şaralarmen 8500 köpbalaly otbasy qamtyldy.
Jadyra MŪRATBEKOVA
