Är apta saiyn Astana qalasynyŋ äkımı Äset İsekeşevtıŋ töraǧalyǧymen EKSPO-2017 Halyqaralyq mamandandyrylǧan körmesıne daiyndyq jäne ony ötkızu mäselelerı jönındegı ştabtyŋ otyrystary ötedı. Bügıngı künge deiın elordada atalǧan maŋyzdy oqiǧaǧa qyzu daiyndyq jürude.
Otyrys şeŋberınde kölıktık qamtamasyz etu, jol qozǧalysyn ūiymdastyru, azyq-tülık jetkızu, mädeni-būqaralyq şaralar küntızbesı siiaqty mäseleler talqylandy. Ştab körme barysynda qauıpsızdıktı qamtamasyz etuge erekşe nazar audaryp otyr. Sol sebeptı är apta saiyn jiynǧa qalanyŋ qauıpsızdıgı üşın jauapty tūlǧalar şaqyrylady. Körme qonaqtaryna jaily jaǧdai jasau taqyryby da qozǧaldy. Olardy elordada ornalastyru jäne qala ışımen jüruıne qatysty baǧyttar äzırlendı.
Sonymen bırge, bügın Astana äkımdıgınde Astana qalasynyŋ äkımı Äset İsekeşevtıŋ töraǧalyǧymen ştabtyŋ kezektı otyrysy öttı. Oǧan «Astana EKSPO-2017» ŪK AQ ökılderı, Astana qalasy IID basşysy qatysty. Aita ketetın jäit, osy joly äkım Äset İsekeşevke EKSPO-2017 körmesınıŋ jaŋa logotipı tanystyryldy. Erıktılerdı tartu boiynşa bırqatar mäseleler qaraldy. Jalpy qala basşysy ärbır qatysuşyny özı tyŋdap, qajet bolsa, tapsyrma beredı jäne barlyq tapsyrmalardy egjei-tegjei pysyqtaudy jükteidı.
