Äskerge attandy
Astanada «Äskerge baru – azamattyq paryzymyz!» ūranymen Qazaqstan Respublikasy Qaruly Küşterınıŋ qataryna jaŋadan şaqyrylǧandardy saltanatty türde şyǧaryp saldy.
QR QK desanttyq-şabuyldau batalonyna attanatyn 30 elordalyq azamat äskeri ant qabyldaǧannan keiın Qapşaǧai qalasynda Otan aldyndaǧy boryşyn oryndauǧa kırısedı.
– Bügın saltanatty türde Qapşaǧai qalasyndaǧy desanttyq-şabuyldau batalonyna Qazaqstan Respublikasy Qaruly Küşterınıŋ qataryna jaŋadan şaqyrylǧandardy attandyryp tūrmyz. Äskeri bölımderde täjıribelı ofiserler sarbazdardy äskeri mındettıŋ bastapqy ılımıne oqytyp qana qoimai, olar üşın jaŋa jaǧdaiǧa beiımdelulerıne kömektesedı. Olar qaru-jaraqty qoldanu täsılın üirenedı. Sonymen qatar, bız tek densaulyǧy myqty azamattardy ǧana emes, bılımı joǧary, zerdelı jastardy da şaqyryp jatyrmyz, – dedı Astana qalasy Qorǧanys ısterı jönındegı departamentınıŋ bölım basşysy Arman Kerekbaev.
Qazırgı uaqytta «Küz-2018» şaqyru nauqany qyzu jürıp jatyr. Biyl küzde şamamen 20 myŋ adam şaqyrylady. Onyŋ ışınde bır myŋǧa juyǧy Astana qalasynyŋ tūrǧyndary bolady.