Qazaqstan armiiasynyŋ äskeri qyzmetşılerı Qaraǧandy oblysynyŋ aumaǧyndaǧy jolda qalyp qoiǧan 120 adamdy qūtqardy. 36352 äskeri bölımınıŋ qūtqaru jasaǧy qarly boranda keptelgen avtokölıkterdı alyp şyǧu üşın 4 saǧat boiy jol tazalaumen ainalysty, dep habarlady QR Qorǧanys ministrlıgınıŋ baspasöz qyzmetı.
Aua raiynyŋ kürt būzyluyna bailanysty Almaty-Ekaterinburg trassasynda Qaraǧandy qalasynan 47 şaqyrym qaşyqtyqta Aqbastau kentınıŋ maŋynda borandy künı 12 jük kölıgı, 10 jeŋıl avtokölık, sondai aq jürgınşıler mıngen 2 avtobus jolda qalǧan. Qar üiındılerınıŋ biıktıgı kei jerlerde 2 metrge deiın jetken. Maşinalardy evakuasiialau üşın Spassktegı oqu-jattyǧu ortalyǧynyŋ qolbasşylyǧy 2 avtomobil men bır şynjyr tabandy tehnika böldı.
Operasiia tabysty aiaqtalyp, äskeri qyzmetşıler jürgızuşılerdıŋ Qaraǧandy qalasyna deiın jetıp aluyna kömektestı. Qar qūşaǧynan qūtqarylǧan adamdar qūtqaru jasaǧynyŋ basşysy maior Leonid Maklakovqa, sondai-aq tehnikamen kömek qolyn sozǧan aǧa serjant N.Toibekovke, serjant A.Zemlianuşkin men serjant D.Krotovqa alǧystaryn bıldırdı.
Qazırgı uaqytta äskeri qyzmetşıler äskeri bölımge qaita oralyp, kündelıktı jauyngerlık daiarlyqqa kırısıp kettı. Bıraq apattyq-qūtqaru toby kez-kelgen uaqytta jolda jauraǧan qazaqstandyqtarǧa kömekke keluge äzır.
