Elımızde äskeri tırkeudıŋ maŋyzy nede? Kämelettık jasqa tolǧan er-azamattardy äskeri tırkeuge qalai qoiu kerek, ol üşın ne ısteu kerek? Köpşılık der kezınde äskeri tırkeuge tūru qajet ekendıgın eskere bermeidı. Būl, ärine, zaŋdyq tūrǧydan ülken olqylyq bolyp esepteletın jait.
Astana qalasynda qorǧanys salasynyŋ mamandary arnaiy jiyn ötkızıp, äskeri tırkeudıŋ maŋyzdylyǧyn tüsındırdı. Mamandardyŋ aituynşa, jasy 16-ǧa tolǧan jastardyŋ äskeri tırkeu turaly qūjaty boluy tiıs. Al 27 jasqa tolǧan azamattardyŋ barlyǧyna äskeri bilet alu mındetteledı. Alaida bügınde köptegen azamattar mūndai talapqa atüstı qaraidy, kerek bolsa, mūndai talaptyŋ bar ekendıgın de bılmei jatady. Osy maqsatta bırazdan berı elımızde jappai tüsındırme jūmystary jürgızılıp jatyr. Arnaiy mamandar barlyq bılım beru ortalyqtary jäne özge de mekemelerge baryp, jūmystar jürgızu üstınde. «Qazır basqa jerde tırkelgen, alaida özderı özge öŋırde jūmys ısteitın jastar köp. Olardy der kezınde tabu qiyn. Kerek bolsa, tırkeu zaŋyn eskermei nemese bılmei jürgen azamattardyŋ naqty qanşa ekenı de belgısız. Sondyqtan mekemelermen jūmysty jaqsartyp, tūrǧyndarǧa qajettı qūjatty qai uaqytta, qai jerden, qalai alu kerektıgın tüsındırıp jatyrmyz. Qazaqstan Respublikasy Ükımetınıŋ №859 «Äskeri mındettıler men äskerge şaqyruşylardy äskeri esepke aludy jürgızu qaǧidalaryn bekıtu turaly» jäne № 620, iaǧni «Qazaqstan Respublikasynyŋ azamattaryn äskeri qyzmetke şaqyrudy ūiymdastyru men jürgızu qaǧidalaryn bekıtu turaly» qaulysy boiynşa elımızdegı ärbır mekemenıŋ kadr bölımı är aidyŋ 25-ıne deiın özderınde jūmys ısteitın er-azamattardyŋ sany turaly esep beruı tiıs. Ärı azamat jūmysqa qabyldanar kezde mındettı türde äskeri bilet talap etıluı qajet. Sondai-aq, qai qalada jergılıktı mekemede qyzmet jasasa, sol mekemenıŋ kadr bölımı äskeri eseptı talap etuı mındettı» deidı Astana qalasy Qorǧanys ıster jönındegı bırıktırılgen basqarmasynyŋ zaŋdy tūlǧalarmen jūmys jönındegı toptyŋ basşysy Timur Spataev.
Tūrǧylyqty jerın auystyrǧan azamattar 7 kün ışınde äskeri komissariattarǧa baryp tırkeluı kerek. Al būl talapty eskermeu öz kezegınde zaŋ būzuşylyq bolyp esepteledı. Äkımşılık ıs qozǧalyp, 5 ailyq eseptık körsetkış kölemınde aiyppūl salynady. Der kezınde esebın tapsyrmaǧan äskeri esepke jauapty qyzmetkerlerge 10 ailyq eseptık körsetkış mölşerınde aiyppūl salynady.
2014 jyly tırkeu talabyna atüstı qaraǧan azamattarǧa 601 myŋ teŋge kölemınde aiyppūl salynypty. Ötken jyly būl körsetkış 9 mln teŋge bolǧan. «Al biylǧy jyl basynan berı 11 mln teŋgenıŋ aiyppūly salynǧan. Osydan-aq tırkeu mäselesınıŋ qanşalyqty uşyǧyp tūrǧanyn baiqauǧa bolady» deidı Almaty audandyq Qorǧanys ısterı jönındegı bırıktırılgen basqarma basşysy Ermek Qojamberliev.
Bürkıt NŪRASYL
