ASTANA KÜNIN AIŞYQTAǦAN JARYSTAR
Astana künı merekesın elordalyq sportşylar qauymy bastap kettı. Q.Mūŋaitpasov atyndaǧy stadionda «Astana kubogy» turnirı jalauyn köterdı.
Astana qalasyndaǧy memlekettık mekemeler qyzmetkerlerı arasyndaǧy merekelık jarysqa 23 komanda qatysuda. Ortalyq stadionnyŋ alaŋy törtke bölıngen. Bır sätte tört oiyn qatarynan ötude. Ala dopqa bır mezgılde 40 adam arbalyp jür. Tamaşa körınıs! Tamaşa atmosfera!
Bırınşı bolyp alaŋǧa Ūlttyq qauıpsızdık komitetı men Qazynaşylyq departamentı futbolşylary şyqty. Bılım basqarmasy men Memlekettık kırıster basqarmasy osy jarystyŋ favoritı sanalyp otyr.
Astananyŋ 18 jyldyǧyna orai ūiymdastyrylyp otyrǧan jarystyŋ jeŋımpazdary men jüldegerlerı keşke qarai anyqtalatyn bolady.
Osyndai jarystar merekenı aişyqtai tüsedı ǧoi. Sondai-aq, salauatty ömır saltyn qalyptastyruǧa, mekemeler qyzmetkerlerı arasyndaǧy yntymaqty nyǧaituǧa äser etedı dep oilaimyn. Jarysty ūiymdastyrǧan Astana qalasynyŋ äkımdıgıne alǧysymyz şeksız, – deidı jarysqa qatysuşylardyŋ bırı Jasūlan Sadyqov köŋılı marqaiyp.
Sonymen qatar, «Qazaqstan» sport saraiynda su dobynan da «Astana kubogy» üşın halyqaralyq jarys ötıp jatyr. Jasöspırımder arasyndaǧy jarysqa Reseidıŋ jäne Qazaqstannyŋ bırneşe qalalarynan komandalar qatysuda. Būl jarystyŋ jeŋımpazdary 5 şılde künı belgılı bolady.
Sonymen, Astana künıne arnalǧan sporttyq jarystar bastalyp kettı. Erteŋ «Qazaqstan barysy» turnirın köretın bolamyz. «Asyq atu» jarysyn da köpşılık asyǧa kütıp jür.
Ǧalym QOJABEKOV