Astana qalasy äkımınıŋ halyqqa esep beru kezdesuı ötude
Bügın «Astana» konsert zalynda qala äkımı Äset İsekeşevtıŋ dästürlı halyqqa esep beru kezdesuı ötude, – dep habarlaidy Astana qalasy äkımdıgınıŋ resmi saity.
Būǧan deiın 15-21 aqpan aralyǧynda tūrǧyndar aldynda alǧaş ret qala äkımınıŋ orynbasarlary Sergei Horoşun, Qosman Aitmūhametov, Ermek Amanşaev, Mälika Bektūrova jäne Asqar Ämrin esep bergen bolatyn.
Elorda äkımı orynbasarlarynyŋ tūrǧyndarmen kezdesuı «Aşyq jäne esep beretın memleket» jobasy aiasynda öttı. Kezdesuge qala halqy köptep qatysyp, joǧary belsendılık tanytty.
Bügıngı Astana äkımınıŋ eseptı kezdesuı «Sūraq-jauap» türınde ötude. Äset İsekeşev ötken jyly atqarylǧan jūmystardyŋ nätijesın şyǧaryp, elordany odan ärı damytu josparymen bölısude. Qala tūrǧyndarynyŋ sūraqtaryna jauap beredı.