Astana äkımı apta saiyn ötetın jinalystyŋ aldynda qalany aralap şyqty. Jiyn barysynda tūrǧyn üi sapasyn qamtamasyz etu men problemaly nysandardyŋ mäselesın şeşu jaiy talqylandy. Būdan bölek, «Astana – jaily ärı ömır süruge qauıpsız qala» baǧdarlamasynyŋ aiasynda jobany ıske asyru mäselesı de qaraldy.
Äkımdıktıŋ negızgı jūmystarynyŋ bırı – aulalardy damytu. Osy oraida Äset İsekeşev Astanada 1400 aula aumaǧy baryn, soŋǧy ekı jylda 300-den astam aula abattandyrylǧanyn eske salyp öttı. Biyl 300 aula abattandyrylmaq. Jospar boiynşa jyl basynan berı Almaty audanynda 105 aula salyndy. Saryarqa audanyna 100 aula josparlanypty. Al onyŋ 20-sy salynyp bıttı. Qala äkımı 2019 jylǧa deiın barlyq aula aumaqtaryn abattandyrudy aiaqtaudy tapsyrdy. Būdan bölek, qala basşysy tūrǧyn üilerge qyzmet körsetu sapasyn arttyru äkımdıktıŋ basymdyq beretın jūmystarynyŋ bırı ekenın aityp öttı.
