Astanada 400-den asa azamat bos jūmys oryndary järmeŋkesınıŋ arqasynda jūmys tapty
Astana tūrǧyny Güljan Tatieva qazır «051» qyzmetınde esep üstelınıŋ buhgalterı bolyp eŋbek etedı. Ol elordaǧa otbasymen bırge Pavlodardan köşıp kelgen.
«Ömırımızdegı bır jaǧdaiǧa bailanysty elordaǧa köşuge tura keldı. Būl jerde men bos oryndar järmeŋkesınde buhgalterdıŋ jūmysyn taptym. Menıŋ täjıribemdı eskere otyryp, bırden memlekettık käsıporynnan jūmys ūsyndy, äŋgımelesuden sättı öttım, ırıkteuge köp adam qatysty», – deidı Güljan.
Buhgalterdıŋ jalpy jūmys ötılı – 20 jylǧa juyq. Onyŋ aituynşa, jaŋa orynda ony jaqsy qabyldaǧan, ūjym öte tatu.
«Maǧan būl jūmys öte ūnaidy, qazır esep üstelınıŋ buhgalterı bolyp jūmys ısteimın. Bızdıŋ «051» qyzmetı Astana halqyna kez-kelgen jaǧdai boiynşa kömektesedı. Öz jūmysyma jauapkerşılıkpen qarau arqyly halyqqa az da bolsa, kömegım tietınıne qatty quanamyn», – deidı buhgalter.
Elordada sondai-aq, mümkındıgı şekteulı jandarǧa arnalǧan bos jūmys oryndary järmeŋkesı de ötedı. Astana tūrǧyny Baian Ospanovanyŋ üşınşı därejelı mügedektıgı bar, ol – Memlekettık mūraǧat qyzmetkerı. Är uaqytta äiel mūǧalım, türlı memlekettık qūrylymdarda audarmaşy bolyp jūmys ıstegen.
«2013 jyly közım naşarlai bastady, sol sebeptı memlekettık qyzmetten ketıp, operasiiadan keiın bır jyl üide otyrdym, sodan soŋ bos jūmys oryndary järmeŋkesınıŋ arqasynda jūmys taptym. Mūndai jūmys kompiuterdıŋ aldynda köp otyrudy talap etpeidı. Mümkındıgı şekteulı adamdardy jūmyspen qamtyp otyrǧany üşın äkımdıkke, elımızge alǧys aitamyn», – deidı Baian Ospanova.
Jalpy, jyl basynan berı jūmyssyz azamattarǧa arnalǧan 11 bos jūmys oryndary järmeŋkesı ötkızıldı.
astana.gov.kz
