Jaŋa qoǧamdyq keŋıstık Respublika daŋǧylynan Q.Quanyşbaev atyndaǧy qazaq muzykalyq drama teatrǧa deiın Omarov köşesınıŋ boiynda ornalasady. Būl turaly Nūr-Sūltan qalasynyŋ äkımı Altai Kölgınov Instagram paraqşasynda jazdy.
«Elordada taǧy bır Arbat salynady. Jaiau jürgınşıler promenady qūrylysy boiynşa jūmys jürgızıp jatyrmyz. Jaiau jürgınşıler promenady ekı teatr arasyndaǧy aumaqty bailanystyrady. Respublika daŋǧyly jaǧyndaǧy fontandy qaita qūru jūmysyn jürgızemız. Ol jylǧaǧa qarai aǧady. Al sol jylǧa boiynda balalarǧa arnalǧan sumen oinaityn elementter ornatamyz.
Būǧan qosa Arbat aumaǧynda qalalyqtar men elorda qonaqtarynyŋ köŋılınen şyqqan aspaly ätkenşek ornatylady. Balalar üşın jeke sport jäne oiyn alaŋdary, tynyş aumaqtar, kovorking-ortalyq syndy tegın seminarlar men tıl sabaqtaryn ötkızuge arnalǧan jeke zonalar jasalady.
Köpır asty keŋıstıgı aumaǧynda (Saraişyq daŋǧyly) balalarǧa arnalǧan ekoalaŋ men aspaly saiabaq jasamaqşymyz. Būl ideiany da osy jerde ıske asyramyz. Beibıtşılık köşesınen Respublika daŋǧylyna deiın velojol salamyz».
