Astana
Bas qalada aldaǧy 19-22 mausymda 25-ınşı düniejüzılık tau-ken kongresı ötedı. Maŋyzy zor auqymdy şaraǧa älemnıŋ 50 elınen ısker top ökılderı men ǧalymdar qatysady dep kütılude.
Almaty
Biylǧy jyldyŋ alǧaşqy toqsanynda Alataudyŋ etegındegı äsem qala Almatyǧa Oŋtüstık Koreia, Ündıstan men Resei, Qytai, Türkiia, AQŞ jäne Germaniiadan 130 myŋnan astam adam turistık saparmen kelgen.
Aqmola oblysy
Osy aimaqtaǧy su qoimalarynda 50-den asa qoǧamdyq küzet orny aşylmaq.
Aqtöbe oblysy
Aqtöbe qalasynda kezınde Ükımet basşysy bolǧan belgılı memleket qairatkerı, marqūm Nūrlan Balǧymbaevqa memorialdy taqta aşyldy. Ardaqty azamat bır kezderı osy öŋırdegı «Aqtöbemūnai» bırlestıgınıŋ bas injenerı qyzmetın atqarǧan.
Qostanai oblysy
Biyl Qostanai qalasynda balalarǧa arnalǧan «Smart City» ortalyǧy aşylady. Qazırgı künı jaŋa ortalyqtyŋ ornalasatyn jerı anyqtalǧan. Joba aiasynda balalar bızdıŋ elımızden basqa, TMD aumaǧynda keŋ taraǧan nou-haularmen tanysyp, ozyq innovasiiany meŋgeretın bolady.
Şyǧys Qazaqstan oblysy
Endı osy öŋırdegı densaulyq saqtau mekemelerı 1 şıldeden bastap qaǧazbastylyqtan arylyp, tolyqtai elektrondy formatqa köşedı.
Qaraǧandy oblysy
Kendı ölkede belgısız bıreuler ırı gabarittı qoqystardy şyǧaruǧa arnalǧan jük kölıgın ūrlap ketken. Kölık Būqar jyrau audanynda Üştöbe auyly men Qūrylys kentınıŋ arasyndaǧy dalaly aimaqta qoldy bolǧan.
Qyzylorda oblysy
Qyzylordalyq Tūrmaǧambet atyndaǧy halyq aspaptar orkestrı 1-10 mausym aralyǧyndaǧy Türkiianyŋ tört qalasynda TÜRKSOI halyqaralyq ūiymynyŋ 25 jyldyq mereitoiy aiasynda türkı halyqtarynyŋ öner festivalıne qatysyp keldı.
Soltüstık Qazaqstan oblysy
Oblys ortalyǧyndaǧy M.Qozybaev atyndaǧy Soltüstık Qazaqstan memlekettık universitetı janynan zamanaui oqu-zerthanalyq korpusy salynady. Bügınde atalǧan oqu ordasynda 5,5 myŋ jas bilim alady. Kelesi jyly studentterdiŋ sanyn 7 myŋǧa deiin ūlǧaitu közdelgen.
