ASTANA
Astanadaǧy «Jaǧalau-3» tūrǧyn üi keşenınde qarttardyŋ demalysyna arnalǧan kezektı şaǧyn ortalyq aşyldy. Oǧan Esıl audanynyŋ äkımdıgı audannyŋ ardagerler keŋesımen bırge mūryndyq bolyp, ortalyqtyŋ aşyluyna atalmyş keşenge qyzmet körsetetın «Arman» jöndeu-paidalanu uchaskesı atsalysty.
ALMATY
Almatyda TMD boiynşa balamasy joq joǧary tehnologiialyq jaŋa zauyt salyndy. İnjenerlık jüielerdı qorǧaityn önım şyǧaratyn käsıporyn «Tokyo Rope Manufacturing» transūlttyq korporasiiasyna tiesılı. Nysan qūrylysy japondyq investisiia esebınen jürgızıldı. Zauyt jylyna 17 myŋnan asa önım şyǧarady. Jaŋa käsıporynda būrǧylaityn ankerler, asa tözımdı metall arqandar, tau jäne karerde qoldanylatyn bolat torlar şyǧaratyn jäne tehnikalyq parametrı jaǧynan öte qūndy jabdyqtar ornatylǧan. Japon firmasynyŋ bolat arqandary älemdegı 20 ırı köpırdıŋ 12-sınıŋ qūrylysynda qoldanylǧan.
QYZYLORDA
Qyzylordada belgılı dirijer, QR halyq ärtısı, Memlekettık syilyqtyŋ laureaty Tölepbergen Äbdıraşevke eskertkış ornatylady. Būl jaŋalyqty oblys äkımı Qyrymbek Köşerbaev Jaŋaqorǧan audanynda ötken respublikalyq ǧylymi-täjıribelık konferensiiada mälım ettı. Syr elınıŋ abyroiyn asqaqtatqan talanttardyŋ bırı – Tölepbergen Äbdıraşev turaly Halyq qaharmany Nūrǧisa Tılendiev: «Tölepbergen qazırdıŋ özınde älemdık önerdıŋ eleulı tūlǧasy» dep baǧa bergen. Syrdariianyŋ sol jaǧalauynda salynyp jatqan jaŋa qaladaǧy köşelerdıŋ bırıne T.Äbdıraşevtıŋ esımı berılmek.
AQMOLA
Aqmolalyq arheologtar aimaqta būryn-soŋdy kezdespegen qūndy jädıger tapty. Qoladan soǧylǧan alqany mamandar öŋırdıŋ Soltüstık Qazaqstan oblysymen şekaralas aumaǧynda, Esıl özenınıŋ boiynda qazba jūmystaryn jürgızu barysynda kezıktırgen. Ony osydan 4 myŋ jyl būryn auqatty äiel taqqan boluy mümkın. Jaqynda ǧana Zerendı audanyndaǧy ataqty Keŋötkel qorymynda da qola däuırıne tiesılı altyn äşekeiler tabylǧan bolatyn. Mamandardyŋ aituynşa, arada myŋdaǧan jyl ötse de, äşekeiler jaqsy saqtalǧan. Boljam boiynşa, būl jerde ru basynyŋ äielı jerlengen boluy mümkın. Jalpy, atalǧan qorymda 150-den astam arheologiialyq nysan bar.
BATYS QAZAQSTAN
Oraldaǧy keme qūrastyru zauyty täuelsızdıgımızdıŋ 27 jylynda 27 su kölıgın jasap şyǧardy. Olardyŋ qatarynda jeŋıl salmaqtaǧy katerlermen qatar zamanaui qondyrǧylarmen jäne qarujaraqtarymen jabdyqtalǧan artilleriialyq kemeler de bar. Tolyqtai jaŋǧyrtudan ötken käsıporyn qazır su yǧystyrǧyşy 600 tonnaǧa deiın jetetın alyp kemelerdı qūrastyruǧa qauqarly. Teŋızşıler tapsyrysymen jasalyp jatqan «Barys» ülgısındegı soǧys katerınıŋ de Kaspiidı betke alar künı alys emes.
QARAǦANDY
Memlekettık qyzmettıŋ 20 jyldyǧyna arnalǧan respublikalyq şara öttı. Ony ūiymdastyrǧan Memlekettık qyzmet ısterı jäne sybailas jemqorlyqpen küres agenttıgı. Osy şaradan jinalǧan 1,4 mln teŋge auyr dertke şaldyqqan balalardy emdeuge Arujan Sainnyŋ «Dom» qaiyrymdylyq qoryna audaryldy. Atalǧan aksiiany Erjan Şynkeev, Maksim Rakov siiaqty tanymal sportşylar da qoldady.
ŞYMKENT
Şymkentte korreksiialyq baǧyttaǧy ekı balabaqşa aşyldy. 110 oryndyq nysandy käsıpker-mesenat, «Qazaqstannyŋ 100 jaŋa esımı» jobasynyŋ jeŋımpazy Qairat Moldaseiıtov öz qarjysyna saldyrǧan. Jobanyŋ jalpy qūny – 280 mln teŋge. Jaŋa ortalyqtyŋ bırı psihikalyq damuy şekteulı balalarǧa arnalǧan. Al ekınşısı tırek-qimyl funksiialary būzylǧan balǧyndardy damytuǧa baǧyttalǧan.
