Aqmola oblysy
«Jastar jyly» qarsaŋynda «Aqmola jastary» baǧdarlamasy qolǧa alynady. Sonyŋ aiasynda Kökşetauda 4 tūrǧyn üi salynyp, 400 jas otbasy baspanamen qamtylmaq.
Öskemen
Öskemende qaryzy bar adamdar men qylmyskerlerdı anyqtaityn baǧdarşam ornatyldy. «Aqyldy» tehnika joldan ötıp bara jatqan kısılerdıŋ tür-älpetın IIM bazasyndaǧy azamattarmen salystyryp, küdıktını tanyǧan jaǧdaida polisiiaǧa habar beredı.
Pavlodar oblysy
Kelesı jyly Pavlodar oblysyna qarasty Mai audanynyŋ 10 myŋdai tūrǧyny sapaly auyzsuǧa qol jetkızedı. Jürgızılıp jatqan su qūbyry 16 auyldy basyp ötedı. Keleşekte taǧy 6 auyldy qosu josparlanyp otyr.
Jambyl oblysy
Jaŋa baǧyttaǧy Qordai asuynyŋ ainalma joly endı Jambyl oblysynyŋ Qordai audanyna qarasty auyldarǧa kırmei, syrtynan ainalyp ötetın boldy. Sonyŋ arqasynda joldyŋ ūzyndyǧy 20 şaqyrymǧa qysqardy.
Qyzylorda oblysy
Nūrtai Jaiyqbaev atty qyzylordalyq önertapqyş üi şaruaşylyǧyna arnalǧan ämbebap qolarba jasap şyǧardy. Ony qysta qar küreuge, köktemde baqşadaǧy aramşöptı otap, jer qoparuǧa paidalanuǧa bolady.
Türkıstan oblysy
Türkıstan oblysynyŋ emdeu mekemelerı bır aidyŋ ışınde kompiutermen tolyqtai qamtamasyz etıledı. Bügıngı taŋda oblystaǧy medisina ūiymdarynyŋ 69 paiyzy kompiutermen jabdyqtalǧan.
Maŋǧystau oblysy
Maŋǧystau oblysy Tüpqaraǧan audanynda 2 jel elektr stansasy salynuda. Tügeldei investorlar qarajatyna soǧylyp jatqan stansalar kelesı jyldyŋ mausym aiynda paidalanuǧa berıledı.
Atyrau
«Atyrau» gazetınıŋ 95 jyldyǧyna orai aimaqtyq media-muzei aşyldy. Onda tanymal tūlǧalardyŋ qoljazbalary, ardager jurnalisterdıŋ fotosuretterı men qūraldarynan tūratyn 400-ge juyq jädıger qoiyldy.
Petropavl
Petropavl qalasynda Soltüstık Qazaqstan oblysyndaǧy alǧaşqy polisiia bölımınıŋ front-keŋsesı aşyldy. Endı tūrǧyndardy temır torly esıkter men qataŋ atmosferanyŋ ornyna yŋǧaily keŋ zaldar qarsy alyp, polisiia mamandary sol jerde keŋester beretın bolady.
