Astanadan auylǧa deiın…
Astana
Elordalyq salyq qyzmetkerlerı tiıstı maqsatta paidalanylmai jatqan 100-den astam jer telımın anyqtady. Endı tiıstı mındettemelerın oryndamaǧan azamattar on ese köp mölşerde salyq töleuge mındetteldı. Onyŋ jalpy somasy 197 mln teŋgenı qūraidy. Departament ökılderı salyq zaŋnamasyn būzǧan tūrǧyndardyŋ äkımşılık jauapqa tartylatynyn eskertude.
Almaty
Altynşy şıldeden bastap Almaty qalasynan Kölsai kölderı, Şaryn şatqaly jäne basqa da tanymal baǧyttarǧa baratyn turistık avtobustar Baluan Şolaq atyndaǧy sport jäne mädeniet saraiynyŋ janynan jüretın bolady. Būl özgerıster qala tūrǧyndary men qonaqtarynyŋ qalaǧan jerıne qauıpsız jäne jaily jetuın qamtamasyz etu üşın qabyldanǧan.
Jambyl oblysy
Elordanyŋ mereitoiyna arnalǧan «20 jyldyqqa – 20 nysan» jobasy aiasynda Jambyl oblysynyŋ audandarynda 20 äleumettık nysan paidalanuǧa berılmek. Atalmyş nysandardyŋ qatarynda kün elektr stansasy, tarihi muzei, ambulatoriia, sauyqtyru keşenı, sport alaŋqaiy, «Qasyq» kooperativı, öndırıs oşaǧy, süt zauyty jäne bırneşe balabaqşa bar.
Öskemen
Alakölge endı şarşap-şaldyqpai jetuge bolady. Ötken aptadan bastap Öskemendegı Zaşita temırjol stansasynan «Öskemen-Jalaŋaşköl» baǧytyndaǧy alǧaşqy jolauşylar poiyzy jolǧa şyqty.
Atyrau
Atyraudaǧy az qamtylǧan otbasynan şyqqan 40 bala İtaliiada demaluda. Balalardyŋ şetelge baryp, demalulary üşın qajettı joldamany Atyrau oblystyq bılım basqarmasy ūiymdastyrǧan. İtaliianyŋ Chezenatiko qalasynda ornalasqan balalardyŋ jazǧy demalysy
3 şıldege deiın jalǧasady.
Pavlodar
Pavlodarda atty polisiia vzvody qūryldy. Astana qalasynan äkelıngen 15 at jol-patruldık poliseilerıne berıldı. Atty poliseiler vzvody qalanyŋ oŋtüstık bölıgınde ornalasqan «Iýjnyi» saiajai şaruaşylyǧy aumaǧynda qoǧamdyq tärtıptı qadaǧalaityn bolady.
Qostanai
Qostanai qalasynyŋ №2 sotynda Qazaqstan men Resei Federasiiasynan bırdei zeinetaqy alyp kelgen Resei azamatyna qatysty ıs qaraldy. 2000 jyly Cheliabı oblysynyŋ Zeinetaqy qorynyŋ tızımıne alynǧan zeinetker 2003 jyldyŋ nauryz aiynan 2018 jyldyŋ nauryzyna deiın Qazaqstannan 15 jyl boiy zaŋsyz aqşa alyp kelgen. Osy uaqytqa deiın el biudjetınen 3968718 teŋge qarajat iemdengen.