Astana qalasynda «Jol üstındegı qabyldau» aksiiasy bolyp öttı. Aituly şarany «Nūr Otan» partiiasynyŋ Astana qalalyq filialy men elordalyq IID äkımşılık polisiia basqarmasy bırlese ūiymdastyrdy.
Astana qalalyq IID Jergılıktı polisiia qyzmetınıŋ bastyǧy Baqytjan Malybaevtyŋ aituynşa, aksiianyŋ basty maqsaty halyqqa qūqyqtyq bılım berıp, qoǧamdyq jäne jol qauıpsızdıgın qamtamasyz etu boiynşa jasalyp jatqan jūmystar turaly köpşılıktı aqparattandyru, sondai-aq tūrǧyndardy ūsaq qūqyqbūzuşylyqqa «nöldık tözımdılıkpen» qaraudy qalyptastyru. «Poliseilerdıŋ jūmysy ärbır qoǧam müşesıne ülgı boluy tiıs. Sonymen qatar bızdıŋ tarapymyzdan ūiymdastyrylyp jatqan ıs-şaralardyŋ barlyǧy barynşa aşyq formatta ötkenı dūrys dep oilaimyn. Osy joly azamattardyŋ ūsynystary men tılekterı men jol qauıpsızdıgıne bailanysty mäselelerdı közımmen körıp, bıluge bel budym» deidı Astana qalalyq IID Jergılıktı polisiia qyzmetınıŋ bastyǧy Baqytjan Malybaev.
Keŋ auqymdy şara «Bäiterek» monumentınıŋ kölık tūraǧy alaŋy, Temır jol vokzalynyŋ aumaǧy, «Artem» sauda üiı jäne Halyqqa qyzmet körsetu ortalyǧy sondai-aq, «Rubej» posty sekıldı bırneşe aumaqty qamtydy. Qabyldau barysynda «Nūr Otan» partiiasynyŋ ökılderı men jol-patruldık polisiia qyzmetkerlerı konstitusiialyq qūqyqtyq zaŋdylyqty saqtau boiynşa azamattarmen saualnama jürgızdı. Sonymen qatar saualnamaǧa qatysqan ärbır azamat polisiia qyzmetınıŋ sapasyn arttyruǧa qatysty özderınıŋ ūsynystary men tılekterın bıldırıp, keşkı jäne taŋerteŋgı uaqyttarda tuyndaityn keptelıstermen küres, qaladaǧy kölık aǧynyn azaitu jäne jaŋadan paidalanuǧa berılgen audandarda qosymşa baǧdarşamdar men jaiau jürgınşı ötkelderın ornatu, sondai-aq jol qauıpsızdıgı sekıldı mäseleler köterdı.
Jalpy, elordada ötken «Jolda qabyldau» aksiiasyna 600-ge juyq adam qatysty.
Bürkıt NŪRASYL
