Astananyŋ Jerūiyq saiabaǧynda Ūlttyq otbasy künıne arnalǧan «Salauatty otbasy – salauatty ūlt» ūranymen qyzyqty aksiia öttı
Şarany Astana qalasy Densaulyq saqtau basqarmasy, Salauatty ömır saltyn qalyptastyru ortalyǧy Almaty audany äkımdıgımen bırlesıp ūiymdastyrdy.
– Memleketımız otbasy institutynyŋ damuyna ülken köŋıl bölıp, oǧan ünemı qoldau bıldırıp keledı. Düniejüzılık densaulyq saqtau ūiymy Qazaqstandy poliomilitten jäne bezgekten arylǧan aimaq retınde tanydy. Täuelsızdıgımızdıŋ 25 jyly ışınde elımızde qyzamyq, difteriia, qyzylşa syndy jūqpaly aurular jüz eseden astam körsetkışke azaidy. Bala tuu körsetkışı de 10 myŋ säbige artty. Densaulyq saqtau mamany retınde osyǧan marqaiamyn.
Astana tūrǧyndarynyŋ äleumettık kelbetın saralasaq, elordada bılımdı, bılıktı jas otbasylar tūrady. Sondai otbasydaǧy erı men äielınıŋ basynda bır emes, ekı joǧarǧy bılım toqailasqanyŋ zertteuler aitady. Elorda därıgerlerı otbasy men jüktılıktı josparlauǧa köp män beredı. Sonyŋ arqasynda bala ölımı ekı ese azaiyp, ana ölımı mülde joiyldy. Būl körsetkışter Qazaqstandy damu qarqyny joǧary 50 memlekettıŋ qataryna qosty. Aldymyzda endı otyzdyqqa kıru maqsaty tūr. Būl maqsatty da eŋseremız dep oilaimyn, – dedı Astana qalasy Densaulyq saqtau basqarmasy basşysynyŋ orynbasary Iliias Bäkırov.
Saiabaqqa jinalǧandarǧa sälemın jetkızgen Olimpiada chempiony, grek-rim küresınen Qazaqstan qūramasynyŋ jattyqtyruşysy, «Astana» käsıbi sport klubynyŋ aǧa menedjerı Iýrii Melnichenko barşany boksşy Gennadii Golovkinnıŋ kezektı jeŋısımen qūttyqtap, Rio Olimpiadasyndaǧy sportşylarymyzdyŋ jarqyn jetıstıkterın jaŋǧyrtty.
Aksiia otbasylar arasyndaǧy türlı jarystarmen jalǧasyp, merekelık konsertke ūlasty. Atap aitsaq, «Salauatty ömır saltyn ūstanatyn üzdık otbasy» internet-baiqauynda Abdullaevtar otbasy top jardy. Al Boranbaevtar men Äitımovter äuletterı ekınşı jäne üşınşı oryndardy ielendı.
Amanǧali QALJANOV
