Arqadaǧy qazaq baspasözınıŋ qara şaŋyraǧynyŋ bırı, elorda jylnamasyn jazǧan «ASTANA AQSHAMY» gazetı otyz jylda eldıŋ, ūlttyŋ ünın aitatyn ünparaqqa ainaldy. Oily oqyrmanǧa olja salǧan jyldarǧa köz jügırtsek, jetken jetıstıkterımız ben baǧyndyrǧan belesterımız az emes. Mereiımız üstem bolǧan aituly datada säl şegınıs jasap, solardyŋ bır parasyna taǧy bır üŋıleiık.
Baǧy men baby qatar şapqan basylym 2002 jyly Qazaqstan jurnalistika akademiiasynyŋ «Altyn jūldyz» syilyǧyn ielendı. Gazet äleumettık-ekonomikalyq, ruhani-mädeni mäselelerdı keŋınen qamtyǧan eŋ üzdık ūjym dep tanyldy. Jurnalistika men būqaralyq aqparat qūraldaryn damytuǧa qoldau körsetu, Qazaqstan qoǧamynda jurnalist märtebesin köteru, otandyq BAQ arasynda bäsekelestikti damytu maqsatynda tapsyrylyp kele jatqan būl syilyqtyŋ bäsı men märtebesı joǧary.
2018 jyly gazettıŋ şyǧarmaşylyq ūjymy Tūŋǧyş Prezident – Elbasy Nūrsūltan Nazarbaevtyŋ alǧys hatymen marapattaldy. Elordanyŋ äleumettık-ekonomikalyq jäne mädeni-gumanitarlyq damuyndaǧy maŋyzdy taqyryptar men negızgı mäselelerdı jariialap-körsetuge qosqan erekşe ülesı üşın berılgen alǧysty sol kezdegı Memlekettık hatşy Gülşara Äbdıqalyqova «Astana aqşamy» gazetınıŋ bas redaktory, Prezident syilyǧynyŋ iegerı Erkın Qydyrǧa tabys ettı.
Sol jyly «Astana aqshamy» gazetı «Nūr Otan» partiiasynyŋ Bailanys jäne aqparat qyzmetkerlerı künıne orai taǧaiyndaǧan «Nūr sūŋqar-2018» syilyǧyn ielendı. Basylym «Astanaǧa 20 jyl» atalymynda top jardy. Märtebelı syilyqty «Elorda Aqparat» JŞS-nıŋ sol kezdegı direktory Qaisar
Jūmabaiūlyna Astana äkımınıŋ būrynǧy orynbasary, belgılı kompozitor, elorda mädenietınıŋ damuyna eren eŋbek sıŋırgen
Tölegen Mūhamedjanov tapsyrdy.
Är jyldary gazet jurnalisterı elımızdegı BAQ salasynda berıletın jüldeler men syilyqtardy, joǧary marapattardy ielenıp keledı. 2019 jyly Aigül Uaisova densaulyq saqtau salasy jaily jazǧan üzdık maqalalary üşın «Altyn şipager» syilyǧyn aldy. Azamat Esenjol qazaq tılıne qatysty özektı mäselelerdı köterıp, olardy elge tanytuda eŋbek sıŋırgenı üşın «Memlekettık tıl jäne BAQ» respublikalyq baiqauynda III oryndy oljalady. Osy joldardyŋ avtory ötken jyly el Parlamentı ömırınen jazylǧan maqalalary men sūhbattary üşın Mäjılıstıŋ «Parlament sözı» syilyǧyn enşılese, biyl Prezident Qasym-Jomart Toqaevtyŋ alǧys hatymen marapattaldy. Aldaǧy uaqytta da aqşamdyqtardyŋ asyǧy alşysynan tüsıp, ūlttyq jurnalistikany damytuǧa zor üles qosatynyna senımımız mol.
