Asqar MAMİN,
Qazaqstan Respublikasynyŋ
Premer-ministrı
Qūrmettı qalamgerler, redaksiia ūjymy!
Sızderdı «Astana aqşamy» respublikalyq qoǧamdyq-saiasi gazetınıŋ
30 jyldyq mereitoiymen şyn jürekten qūttyqtaimyn!
Elımızdıŋ bas qalasymen bırge jasap, üzdıksız damyp kele jatqan basylym bügınde täuelsızdık jylnamasyna, ūlttyq baspasözımızdıŋ ırgelı ordasyna ainaldy. Sızder qoǧamdyq-saiasi ömırdegı eleulı oqiǧalardy, äleumettık-ekonomikalyq reformalardy keŋ kölemde nasihattap qana qoimai, ruhani qūndylyqtarymyzdy baiytu arqyly da oqyrman qauymnyŋ jüregıne jol tauyp kelesızder. Būl oraida aituly basylymda qoltaŋbalary qalǧan körnektı tūlǧalarymyzdyŋ, tıl janaşyrlarynyŋ ızgı dästürın jalǧastyrǧan sızderdei käsıbi ūjymnyŋ eŋbekterı qandai qūrmetke de laiyq.
«Astana aqşamy» gazetı aldaǧy uaqytta da eldıktı, qoǧamdaǧy tūraqtylyqty nyǧaituǧa qoldau körsetıp, aqparattyq keŋıstıktegı orny köş ılgerı bolatynyna senımdımın.
Ärdaiym oqyrmandaryŋyz eselei ösıp, el igılıgı jolyndaǧy eŋbekterıŋız jana bersın. Barşaŋyzǧa zor densaulyq, şyǧarmaşylyq şabyt, tolaiym tabys tıleimın.
Qūrmettı «Astana aqşamy» gazetınıŋ ūjymy!
Qalanyŋ jylnamasyn jazyp kele jatqan «Astana aqşamy» ūjymyn gazettıŋ jaryq körgenıne 30 jyl toluymen şyn jürekten qūttyqtaimyn!
Tūrǧyndarǧa qalanyŋ tynys-tırşılıgın baiandap qana qoimai, el ruhaniiatynyŋ maŋyzdy mäselelerın köterıp, memleketımızdıŋ mädeni-ruhani tūrǧyda damuyna üles qosyp kele jatqan gazettıŋ örkendei beruıne tılektespın!
Eŋbekterıŋızge tabys tılei otyryp, elordamyzdyŋ qoǧamdyq ömırın odan ärı ılgerıletu jolyndaǧy jūmystaryŋyzǧa alǧysymdy aitamyn.
Izgı tılekpen,
Altai Kölgınov,
Nūr-Sūltan qalasynyŋ äkımı
Aida Balaeva,
Aqparat jäne qoǧamdyq damu ministrı
Qūrmettı «aqşamdyqtar»!
Ūjymdy «Astana aqşamy» gazetınıŋ 30 jyldyq mereitoiymen şyn jürekten qūttyqtaimyn!
Baspasöz – tek aqparat taratuşy qūral emes, memlekettıŋ saiasatyn saralap, halyqtyŋ pıkırın daralaityn, sol arqyly qoǧamnyŋ damuyn baǧalaityn küş. Būl rette «Astana aqşamy gazetı» şyn mänınde jazǧany jariiaǧa, är maqalasy qazynaǧa balanǧan bıregei basylym.
«Aqmola aqiqaty» atauymen baspasöz aidynyna alǧaş qanat qaqqan gazet, uaqytpen bırge jaŋaryp, elordamen bırge eseidı. Bas şahardyŋ aqparyn arqalap tūrǧan bügıngı «Astana aqşamy» – elımızdıŋ eŋ ozyq basylymdary deŋgeiınde qalanyŋ ruhani ölşemıne, onyŋ tırşılık-tynysynyŋ ajyramas bölşegıne ainaldy.
Ärine är ärpınıŋ artynda eselı oi eŋbegı körınetın basylym bedelınıŋ tübınde – redaksiia jurnalisterınıŋ qyruar qajyr-qairaty jatyr. Sonyŋ ışınde gazettı är jyldary basqarǧan – Kenje Jūmaǧūlov, Jūmagül Sauhat, Maǧjan Sadyhanov, Nūrtöre Jüsıp, Amantai Şärıp, Erbolat Qamenov jäne bügıngı Erkın Qydyr siiaqty bas redaktorlardyŋ da ülesı orasan. Eŋbek jolyn osy gazetten bastaǧan talai jas tılşı qanatyn qataityp, elge tanymal jazarman jurnalist, talantty publisistke ainaldy.
Gazet ūjymymen tyǧyz bailanysta elordamyz üşın eŋbek etken jyldarymdy, öz ömırbaianymnyŋ jarqyn belesterınıŋ bırı retınde qaşanda erekşe sezımmen eske alamyn.
El egemendıgımen bırge eseiıp kele jatqan elordanyŋ bas basylymynyŋ ruhani-şyǧarmaşylyq äleuetı öz biıgınen tüspesın! Qaşanda qalamdaryŋyz jüirık, mūrattaryŋyz biık bola bersın.
Barşaŋyzdyŋ denderıŋızge saulyq, otbasylaryŋyzǧa amandyq, şyǧarmaşylyqtaryŋyzǧa tabys tıleimın!
Aqtoty RAIYMQŪLOVA,
Qazaqstan Respublikasy
Mädeniet jäne sport ministrı
Qūrmettı bas qala basylymnyŋ ūjymy!
Sızderdı Mädeniet jäne sport ministırlıgınıŋ atynan basylymnyŋ 30 jyldyq mereitoiymen şyn jürekten qūttyqtaimyn!
Alǧaşynda «Aqmola aqiqaty» atalyp, aptasyna bır ret oqyrmanǧa jol tartqan gazet bügınde egemen elımızben qatar talai belestı baǧyndyryp, damyp keledı. Uaqyt talabyna sai atauy özgergen basylym ūlttyq qūndylyqtarymyz ben töl önerımızdı därıptep, saliqaly ūrpaq qalyptastyruǧa sübelı üles qosyp, jyl ötken saiyn oqyrman aiasyn keŋeitıp jatyr. Ärkez Ūly Dala elınıŋ jaqsylyqtaryn jarqyrata körsetıp, kemşın tūstaryn syn tezıne alyp, san saladaǧy kökeikestı mäselelerge ün qosyp kele jatqan «Astana aqşamy» talǧampaz oqyrmannyŋ joǧary baǧasyna ie.
Osyndai tolymdy tırlıktıŋ arqasynda ırgelı basylym közqarasy men ūstanymyna berık köptegen jurnalistıŋ tūlǧa bolyp qalyptasuyna oŋ yqpalyn tigızdı. Redaksiia ūjymy aldyŋǧy buyn salyp ketken käsıbi sara joldy abyroimen jalǧastyryp, talǧamy biık oqyrmandy sapaly dünielermen susyndata bersın.
Aldaǧy uaqytta da «Astana aqşamy» kelelı keleşek pen baiandy bolaşaq jolynda qoǧamdy bırıktırıp, eren eŋbektıŋ köşın bastap jüre beruıne tılektespın.
Osynau erekşe sättı paidalana otyryp, ūjymǧa şyǧarmaşylyq şabyt, jemıstı jūmys, tolaiym tabys tıleimın!
Qos basylym qyzmetkerlerı!
«Astana aqşamy» men «Vecherniaia Astana» respublikalyq qoǧamdyq-saiasi gazetterınıŋ ūjymyn 30 jyldyq mereitoilaryŋyzben qūttyqtaimyn!
«Astana aqşamy» men «Vecherniaia Astana» gazetterı – elımız ben elordamyzdaǧy maŋyzdy qoǧamdyq-saiasi, äleumettık-ekonomikalyq jäne ruhani-mädeni mäselelerdı öz deŋgeiınde köterıp kele jatqan bıregei aqparat qūraldary. Astanamyz Nūr-Sūltan qalasynyŋ ekonomikalyq jäne mädeni damuynda da bas basylymnyŋ alar orny erekşe.
Bügınde Nūr-Sūltan qalasy respublikamyzdaǧy tek saiasi astana ǧana emes, sonymen qatar Orta Aziia men TMD elderınıŋ ekonomikalyq jäne qarjylyq ortalyqtarynyŋ bırıne ainalyp ülgerdı. Būl tūrǧyda «Elorda Aqparat» JŞS pen «Astana» halyqaralyq qarjy ortalyǧynyŋ qyzmetı özara ündes. Elordamyzdyŋ halyqaralyq deŋgeidegı qarjy ortalyǧyna ainaluynda da «Astana aqşamy» jäne «Vecherniaia Astana» gazetterınıŋ qosqan ülesı orasan. Aldaǧy uaqytta da elımız ben elordamyzdyŋ ärı qarai örkendeuı jolynda özara yntymaqtastyǧymyzdy odan saiyn nyǧaituǧa daiynbyz.
Özıŋız bastaǧan ūjym qyzmetkerlerıne şyǧarmaşylyq tabys pen eŋbekterıŋızge jemıs tıleimın.
Izgı nietpen,
Qairat KELIMBETOV,
AHQO Basqaruşysy
