«Atameken» Qazaqstan kartasy» etno-memorialdyq keşenınıŋ «Mäŋgılık elge saiahat» atty mausymdyq aşyluy boldy. Osyǧan orai, keşen qyzmetkerlerı 7 arnamen bırıgıp, «Ūlt bırlıgı – ūly bailyq» konserttık baǧdarlamasyn ūsyndy.
Otandyq estrada jūldyzdary Erlan Kökeev, Bauyrjan İsaev, Medet Şaikelov, Rüstem Jügınısov, Nūrlan Tökenov, «Dabyl» duetı jinalǧandardyŋ köŋılın köterdı. Qonaqtar retınde Qazaqstan halqy assambleiasynyŋ ökılderı, balalar jazuşysy Däriia Jūmageldinova, MMA jäne djiu-djitsu federasiiasynyŋ prezidentı Anatolii Kim qatysty.
«Atameken» Qazaqstan kartasy» özınıŋ 13 mausymyn bastady. Mūnda kelgender elımızdıŋ on tört oblysy men Astana jäne Almaty qalalarynyŋ tarihy, mädenietı, körıktı ǧimarattarymen tanysa alady» dedı keşen direktory Ümıthan Mūŋalbaeva.
Direktordyŋ orynbasary Batyrhan Jūmabaevtyŋ aituynşa, keşende barlyǧy 517 maket jinaqtalǧan. Olardy mausym boiy «Üzdık gid» baiqauynyŋ jeŋımpazdary atanǧan jasöspırımder tanystyrady. Biylǧy baiqau 1 säuır künı bastalyp, bır ai boiy jürgen. Oǧan Astanadaǧy 50 mekteptıŋ oquşylary ötınış bergen. Bırınşı turǧa 680 bala qatysyp, olardyŋ 405-sı kelesı kezeŋge ötken. Nätijesınde 70-tei bala qara ozyp şyqqan. Aşylu mausymynda olardy marapattau räsımı ötkızıldı. Arnaiy sertifikattar, bırınşı, ekınşı, üşınşı oryn jüldelerı tapsyryldy. Al, Gran-pri tört balaǧa būiyrdy. Olar – qazaq-türık liseiınıŋ oquşysy Bibıgül Smataeva, №66 jalpy bılım beru mektebınıŋ şäkırtterı Sabina Mahambettäjieva men Nūrai Nyǧmanova jäne №46 orta mekteptıŋ tärbielenuşısı Ekaterina Sedova. Aita ketu kerek, baiqau jeŋımpazdary «Atamekendegı» mausymdyq jūmysy üşın jalaqy alatyn bolady.
Amanǧali QALJANOV
