1 Mamyr – Qazaqstan halqynyŋ bırlıgı künı astanalyqtar üşınquanyşy men şattyǧy mol merekege ūlasty. «Qazaq elı» monumentı alaŋynda ötken jalpyqalalyq dumanǧa Elbasy Nūrsūltan Nazarbaevtyŋ özıqatysyp, būqaraǧa atauly meiramnyŋ airyqşa mänge ie ekenın aitty.
– «Bırlık» sözınıŋ maǧynasy tereŋ. Bırlıgı bolsa ǧana otbasy berık bolady. Eger käsıporynda bırlık bolmasa, ol örkendemeidı. Al, memlekette bırlık bolmasa, ol küireidı. Sondyqtan bırlık – bızdıŋ memlekettıgımızdıŋ özegı. Qazaqstanda türlı etnos ökılderı ömır süredı, olardyŋ bırlıgı, bauyrlastyǧy – tynyştyqtyŋ negızı. Adamdar alaŋsyz, tatulyq pen kelısımde ömır sürse – naǧyz baqyt osy. Jeke dara baqytty bolu mümkın emes, baq-bereke eldıŋ jalpy jaǧdaiyna bailanysty. Sondyqtan Qazaqstandaǧy bırlık pen kelısımdı baǧalai bılıp, balalarymyzǧa mūra etuımız kerek, – dedı Elbasy.
Toiǧa jinalǧan qaraqūrym halyqtyŋ quanyşy sekıldı altyn kün de sol uaqytta şuaǧyn armansyz tögıp, barşaǧa erekşe köŋıl-küi syilap tūrdy. Äsem än men myŋ būralǧan bi eldıŋ eŋsesın köterıp jatsa, türlı-türlı teatrlanǧan körınıster jerımızdı mekendegen är ūlttyŋ erteŋı men bügıngısın ädemılep körsettı.
Memleket basşysy yntymaǧymyzdyŋ arqasynda toilanyp jatqan jalpyhalyqtyq merekenıŋ negızı eŋbekte ekenın aityp, «Eger adam qolmen jūmys ıstese, ol – eŋbekker, qolmen jäne baspen jūmys ıstese, onda ol – şeber. Al, eger qolmen, baspen jäne jürekpen ıstese, ol – suretker. Eŋbekpen jetkennıŋ barlyǧy baqyt pen bereke äkeledı. Bız bırge eŋbek etıp, elımızdı damytyp, ömırımızdı jaqsartudamyz. Osynyŋ arqasynda balalarymyz bolaşaqqa zor senımmen qaraidy» degen ol ärbır qazaqstandyqty elı üşın adal qyzmet etuge şaqyrdy.
Nūrislam Qūspanǧali
