Qazaqstan Respublikasynyŋ Prezidentı Nūrsūltan Äbışūly Nazarbaevtyŋ bastamasymen aşylǧan «Atameken» Qazaqstan kartasy» – etno-memorialdyq keşenı bügıngı taŋda elorda tūrǧyndarynyŋ ǧana emes, qala qonaqtarynyŋ da eŋ köp keletın mädeni oryndarynyŋ bırı. Jaqynda Almaty audanynyŋ bır top qariialary Astananyŋ osynau aişyqty nysanynda bolyp, ondaǧy ǧajaiyptardy közben körıp qaitty.
Olar atalmyş audannyŋ üide äleumettık kömek alatyn 50-ge juyq jalǧyzılıktı zeinetkerı men mügedegıne är oblystyŋ özıne tän erekşelıgı men jetıstıkterın orys jäne qazaq tılınde äŋgımelep berdı.
Ardaqty aǧa buyn ökılderı elımızdıŋ äigılı qalalarynyŋ kışıreitılgen ülgıdegı ǧimarattary men eskertkışterın, respublikamyzdaǧy 14 oblys pen Astana jäne Almaty qalalarynyŋ ötkenı men bügıngı tynysynan syr şertetın qūndy mūralardy tamaşalady.
Kartanyŋ erekşe sänmen jasalǧan maketterınıŋ bırı – Kaspii teŋızı. Sonymen qatar, etnokeşendegı elımızdıŋ temır jol jelısı men poezdardyŋ maketterın qyzyqtaǧan qariialar Qazaqstannyŋ mädeniet, ekonomika salalaryndaǧy jetıstıkterıne kuä boldy. Kartada Qyzylordanyŋ kürışı, Qaraǧandynyŋ kömırı, Maŋǧystaudyŋ mūnaiy, qart Burabai, Qorǧaljynnyŋ erke qūstary men Kaspiidıŋ aqqulary, Alataudyŋ aq bas şyŋdary, taǧy da basqa aityp tauysa almaityn qazynaly Qazaq dalasy äsem beinelengen. Qariialar tuǧan ölkenıŋ qūndylyqtaryn osynau kartadan körıp, erekşe sezımge bölendı. Äsırese, «Han şatyr», Täuelsızdık saraiy, «Nūr Astana» jäne «Äzıret Sūltan» meşıtterı men taǧy da basqa nysandardyŋ maketterı keluşılerge qatty ūnady.
– Elımızdegı taular, qyrattar, özen-kölder, ormandy dalalar öte tamaşa sipattalǧan. Özımız tūratyn Astanada da tamaşa jerler köp eken. Qysqasy, «Atameken» Qazaqstan kartasy etno-memorialdyq keşenı maǧan öte ūnady. Būl jerde men öz elımnıŋ tabiǧatymen jäne de älem keremetterımen tanystym. Mūrajai qyzmetkerlerıne, sondai-aq, Almaty audanynyŋ jalǧyzılıktı zeinetkerler men mügedekterge üide äleumettık kömek körsetetın №1 jäne №2 bölımşelerınıŋ qyzmetkerlerıne rahmet, – dep M.Abdrahmanova qariialar atynan alǧysyn aitty.
Gülbarşyn ÖKEŞQYZY
