Tūrǧyndar üşın atqaryluy tiıs maŋyzdy ıstıŋ bırı elımızdıŋ aumaǧynda mobildı bailanystyŋ barlyq tūtynuşylary telefondaryn jäne nömırlerın tırkeuge mındettı.
SIM-kartaǧa selqos qarau elımızde azaiar emes. Biyl jyl basynan berı telefonmen nömırdı tırkeu mındettelse de nätije şamaly bolyp otyr.
18 mln halqy bar Qazaqstanda 42 mln-nan asa SIM-karta satylǧan. Operatorlardyŋ aituynşa, bügınde bır adamnyŋ atyna bırneşe nömır tırkelgen faktıler öte köp. Keibıreuınıŋ atynda bır-ekı nömır, al endı bıreuınde 20-50 nömırge deiın tırkelgen eken. Telefon nömırı adasyp jürgender öte köp. Al mūnyŋ qaupı zor deidı mamandar. «Sızdıŋ atyŋyzǧa tırkelgen SIM-kartany özge bıreu paidalanyp, özge tūlǧa zaŋǧa qaişy əreket etuı mümkın. Onda qūqyq qorǧau organdarynyŋ qyzmetkerlerı ūialy operatorǧa ötınış jıberıp, aldymen sızge keledı. Öitkenı nömır sızdıŋ atyŋyzda. Özıŋızdıŋ zaŋǧa qaişy əreket etpegenıŋızdı dəleldegen künnıŋ özınde būl keleŋsızdık sızdıŋ mazaŋyzdy alady. Nömırıŋız arqyly özge bıreu nesie alyp qaitarmai qoisa, kollektorlyq ūiymdar aldymen sızdı ızdeidı» dedı Sifrlyq damu, innovasiialar jäne aeroǧaryş önerkäsıbı ministrlıgı Telekommunikasiia komitetınıŋ töraǧasy V.Iаroşenko.
Qazaqstanda qazır abonenttık nömırı tırkelmegen telefon joq. Tek köbı iesınıŋ emes basqanyŋ atynda adasyp jür. Elordalyq Ǧalymjan özınıŋ atynda 50 nömırdıŋ tūrǧanyn körıp taŋdanysyn jasyrmady.
– Dosym kezdeisoq qarap otyryp internetten menıŋ atymda 50 nömır tırkelıp tūrǧanyn aitty. Sonyŋ ışınde 2 Kcell jäne 1 Beeline menıkı qazırgı künı özım qoldanyp jürgen, qalǧan 47 nömır menıkı emes. Keŋselerge baryp būl nömırlerdı öz atymnan aldyrtamyn, – dedı ol.
Demek, 47 qazaqstandyqtyŋ nömırı būǧattalyp, bailanysy üzıledı. Öitkenı äu basta ortaq talapty eskermei, abonenttık nömırdıŋ öz atynda tūrǧanyn naqtylamaǧandar köp. Endı Ǧalymjan barlyq nömırlerdı joiyp, ışındegı bırlıkterdı audaryp aluyna tolyqtai qūqyly.
Al bailanys operatorlary men dillerler SIM-kartany satqan kezde abonenttıŋ atyna bırden räsımdep beruı mındettı. Bıraq ony elep-eskerıp jatqan eşkım joq. Sauda nüktelerınde eşqandai tırkeusız, aşyq türde zaŋsyz satylyp jatyr. Odan qalsa kezınde qoldan alyp, basqanyŋ atyna tırkelgen telefondardy da eş tırkeusız saudaǧa salady. Tırkeudı qajet etpeitınder Qazaqstanda roumingte jürgen ūialy bailanys qūraldary ǧana. Al az ǧana uaqytqa paidalanu üşın qazaqstandyq bailanys operatorlarynyŋ bırınen SIM-karta satyp alǧan turisterdıŋ barlyǧyna telefondaryn tırkeu qajet bolady. JSN ornyna şeteldıkter tölqūjat nömırlerın ūsynady.
