Qalalyq mäslihattyŋ Biudjet, ekonomika, käsıpkerlık jäne önerkäsıp mäselelerı boiynşa tūraqty komissiiasynyŋ kezektı otyrysynda Ekonomika jäne biudjettık josparlau basqarmasynyŋ jetekşısı Älıbi Jūmaev 2017-2019 jyldarǧa arnalǧan Astana qalasynyŋ biudjetıne taldau jasady.
Astana qalasynyŋ äleumettık-ekonomikalyq damuynda maŋyzdy orny bar Almaty, Esıl, Saryarqa audandarynyŋ, Qarjy basqarmasy, Kommunaldyq mülık jäne memlekettık satyp alu basqarmasynyŋ aldaǧy üş jylǧa arnalǧan biudjet jobalary talqylandy.
Mejelengen joba boiynşa üş audannyŋ qyzmetı aǧymdaǧy bırneşe baǧdarlama boiynşa jüzege asyrylady. Onda qala köşelerın jaryqtandyrudan bastap, qala tazalyǧyn qamtamasyz etu, abattandyru men kögaldandyru, su tasqynyna qarsy şaralar, qaladaǧy baqtar men gülzarlardyŋ kütımı, köpırler men jolaiyryqtarynyŋ paidalanu şyǧyndary, profilaktikalyq dezinseksiia jäne deratizasiia, sonymen qatar ekologiialyq şaralardy jürgızuge qatysty qarajat qarastyrylǧan. Esıl özenı men Aqbūlaq jaǧalaularynyŋ jaiy men elordasyndaǧy eskertkışter men müsınderdıŋ kütımı, odan bölek, aituly merekeler qarsaŋyndaǧy bezendıru şaralarynyŋ da qarajaty qarastyrylyp otyr.
Almaty audany boiynşa atalǧan jūmystarǧa 11 980,8 mln teŋge qarastyrylǧan. Al Saryarqa audany būl maqsatqa – 7 637,9 mln teŋge, Esıl audany 16 257,5 mln teŋge jūmsaudy közdep otyr.
Üş audan aumaǧyndaǧy mektepke deiıngı tärbie men bılım beru salasyna da auqymdy qarajat qarastyrylǧan. Iаǧni, Esıl audany boiynşa – 799,7 mln teŋge, Almaty audany – 4 323,3 mln teŋge, Saryarqa audany 4 081,3 mln teŋgenı qūraidy.
Mektepke deiıngı tärbie men oqytuǧa memlekettık bılım beru tapsyrysyn ıske asyru üşın de audannyŋ üş jyldyq kezeŋge bölıngen şyǧystary biudjette belgılenıp, būl körsetkış Almaty audany – 9 077,8 mln teŋge, Saryarqa audany – 5 926,3 mln teŋge Esıl audany boiynşa 6 174,6 mln teŋgenı qūrady.
Biudjet operatorlarynyŋ esebınen keiın deputattar aldaǧy uaqytta eskerıluı tiıs bırneşe mäselelerdı alǧa tartty. Atap aitqanda, Telman, Köktal-1, Köktal-2, Öndırıs sekıldı qala maŋyndaǧy eldı mekenderdıŋ köşelerın jaryqtandyru, sport jäne balalar alaŋdaryn salu, sol eldı mekenderdıŋ üstınen ötetın özen jaǧalaularyn abattandyru siiaqty tūrǧyndardyŋ demalys oryndaryna qatysty şaralardy ūiymdastyru üşın qarajat qala biudjetınde qarastyryluy kerektıgın aitty. Qala şekarasyna kıretın, ırgeles jatqan eldı mekenderdıŋ örkendeuı bas şahardyŋ damuymen qatar boluy kerek degen ūsynys aitqan tūraqty komissiia müşelerı biudjet jobasyn maqūldady.
Aigül UAISOVA
