Astana qalasynda QR Ūlttyq sport türlerı qauymdastyǧy men Sport jäne dene şynyqtyru ısterı agenttıgınıŋ ūiymdastyruymen tūŋǧyş ret audaryspaqtan I aşyq Aziia chempionaty öttı.
Ötken jyly kökpardan tūŋǧyş aşyq Aziia chempionatyn joǧary deŋgeide ötkızgen Ūlttyq sport türlerı qauymdastyǧy biyl ūlttyq oiynymyz – audaryspaqty halyqaralyq därejege köterdı. Būl bairaqty bäsekege Qazaqstan, Qytai, Türkiia, Vengriia, Auǧanstan, Qyrǧyzstan, Täjıkstan, Özbekstan, Äzerbaijan, Moŋǧoliia syndy 10 memleketten sportşylar qatysyp, özara altyn belbeuge baq synasty.
Jalpy, ūlttyq oiyndarymyzǧa «Samūryq-Qazyna» ūlttyq äl-auqat qory demeuşılık körsetıp keledı. Audaryspaq jeŋımpazdaryna tıgılgen jülde qory da qomaqty boldy. Bırınşı orynǧa 1 mln teŋge bölınse, bas jüldege altyn belbeu men avtokölık tıgıldı.
Paluandar 70, 90 kelıge deiın jäne 90 kelıden joǧary salmaq därejesı boiynşa küş synasty. 70 kelı salmaq därejesınde bırınşı oryndy qazaqstandyq Ermek Japişev alsa, ekınşı oryndy Aqat Quanyş (QHR), üşınşı oryndy Qalybek Buzurmankuluuly (Qyrǧyzstan) ielendı. 90 kelı salmaq därejesınde bırınşı oryndy qazaqstandyq paluan Syrym Izbasarov öŋgerıp, ekınşı, üşınşı oryndardy moŋǧoliialyq Nūrbolat Erejep pen qyrǧyzstandyq Kumuşbek Qydyraliev bölıstı. 90 kelıden joǧary salmaq därejesınde bırınşını Bırjan Qosaliev (Qazaqstan), ekınşı Nūrlan Moldaqūlov (Qyrǧyzstan), üşınşı oryndy Zahid Buhaboev (Özbekstan) aldy.
Jarys soŋynda jeŋımpazdar absoliuttı chempion ataǧyn sarapqa salyp, özge elden kelgen paluandar qazaqstandyq Bırjan Qosalievtıŋ bılek küşıne tötep bere almady. Söitıp, audaryspaqtan absoliuttı chempion qazaqstandyq Bırjan Qosaliev atandy.
Salmaq därejesı boiynşa üş jüldenı jäne bas bäigenı ielengen paluandar qazaq jıgıtterınıŋ myqtylyǧyn taǧy da bır märte däleldep, ūlttyq ruhymyzdy sılkındırıp tastady.
Endıgı jerde ūlttyq oiynymyzdy halyqaralyq deŋgeige köteru közdelude. Mūndai erekşe ūlttyq sport türın «EKSPO-2017» halyqaralyq körmesınde joǧary deŋgeide körsetu maŋyzdy bolyp otyr.
Jarystyŋ soŋynda QR Ūlttyq sport türlerı qauymdastyǧynyŋ prezidentı Audaryspaqtan II aşyq Aziia chempionatynyŋ ötkızu kezegın Qytai Halyq Respublikasy komandasynyŋ jetekşısı Almas Baidäuletke tabystady. Būl oiyn türık halyqtaryna ortaq bolǧandyqtan, qauymdastyq özge elderdıŋ erekşelıkterın eskere otyryp, ortaq Ereje qabyldaǧan eken. Osy Ereje boiynşa audaryspaq ekı jylda bır ret Aziia halyqtary arasynda ūiymdastyrylatyn bolady. Degenmen, būl oiynnyŋ negızgı damyǧan jerı Qazaqstan ekenın özge elder de moiyndap otyrǧan körınedı.
