Elordada balalar men jasöspırımderge arnalǧan aula klubtarynyŋ jelısı damyp keledı. Bügınde qalada 23 osyndai ūiym bar, onda 2500 oquşy ainalysady. Olar üşın 28 sport seksiiasy men 21 şyǧarmaşylyq üiırme jūmys ısteidı.
«Astana Jastary» Jastar resursy ortalyǧy 2015 jyldyŋ basynan aula klubtarynyŋ qyzmetıne kurator bolyp keledı. Sol uaqytta qalada 6 aula kluby bolsa, bügınde olardyŋ sany 23-ke jettı. 2020 jyly «İlinka», «Küigenjar», «Chugunka», «Lesozavod» jäne «Köktal» tūrǧyn alaptarynda 5 jaŋa aula kluby aşyldy. 2021 jyly aula klubtarynyŋ sanyn 23-ten 28-ge, al tärbielenuşılerdıŋ sanyn 2500-den 3000-ǧa deiın ūlǧaitu josparlanyp otyr» dep atalyp ötıldı «Astana jastary» jastar resurstyq ortalyǧynyŋ mälımetınde.
Aita keteiık, 2020 jyldyŋ 12 aqpanynda Nūr-Sūltan qalalyq mäslihaty «Aula klubtaryn jaŋǧyrtudyŋ 2023 jylǧa deiıngı tūjyrymdamasyn» bekıtken. Oǧan säikes aula klubtary qyzmetınıŋ basty mındetı – elordanyŋ tört audanynda halyqtyŋ äleumettık osal toptarynan tūratyn jastardy būqaralyq sportqa, şyǧarmaşylyq üiırmelerge tartu, ömırlık daǧdylardy üiretu arqyly ömır sapasyn jaqsartu.
