Astanada jappai ulanu oqiǧasy tirkeldi. «Qazaqstan» sport keşenindegi «Olimp» meiramhanasynan tamaqtanǧan 36 adam qalalyq jūqpaly aurular auruhanasyna «işek infeksiiasyn jūqtyrdy» degen diagnozben jetkizildi.
Sarhat BEISENOVA,
Astana qalasy Memlekettik sanitarlyq-epidemiologiialyq qadaǧalau departamentiniŋ direktory:
Biz qalalyq jūqpaly aurular auruhanasyna tüsken 36 nauqastyŋ auruyna sebep bolǧan jäitti anyqtadyq.
Auruhanaǧa tüserdiŋ aldynda olardyŋ bäri «Qazaqstan» sport keşenindegi «Olimp» meiramhanasynan tamaqtanǧan. Arasynda Öskemennen kelgen balalar hokkei komandasynyŋ müşeleri de bar bolyp şyqty. SES mamandary jedel türde osy nysanǧa tekseru jūmystaryn jürgizdi.
Nätijesinde, meiramhanadaǧy quyrylǧan kotlet pen AQŞ-tan äkelingen tauyq etterinen salmonella bakteriiasy, pisirilgen säbizden işek infeksiiasy jäne «Komo» irimşiginen stafilokokk saprofitikus dep atalatyn bakteriia türleri anyqtaldy. Arnaiy zerthanalyq tekseruler qorytyndysy nauqastardyŋ osy mikroorganizmderden ūşynǧanyn anyqtady.
Meiramhana sanitarlyq talaptarǧa sai jūmys jasamaǧan.
Osyǧan säikes biz anyqtalǧan kemşilikter joiylǧanǧa deiin meiramhana jūmysyn uaqytşa toqtatu üşin Astana qalasynyŋ audanaralyq mamandandyrylǧan ekonomikalyq sotyna qūjattardy tapsyrdyq.
Qalanyŋ qoimalary men sauda oryndaryna tüsetin et jäne qūs önimderin baqylau üşin jospardan tys tekseru jürgizu jöninde būiryq şyǧardym.
Al, «Qazaqstan» sport keşeniniŋ direktory äkimşilik jazaǧa tartylyp, 30 ailyq körsetkiş esebi mölşerinde aiyppūl töleidi.
Jaŋabai JŪMAǦAZİN,
Astana qalalyq jūqpaly aurular auruhanasynyŋ bas därigeri:
Tört kün qatarynan auruhanaǧa jalpy sany 36 adam asqynǧan işek infeksiiasyn jūqtyrdy degen diagnozben kelip tüsti. Auru jeŋil jäne ortaşa därejede ötti.
Jalpy, köktem jaz mezgilderinde gigienalyq talaptar saqtalmasa, astan keler aurudyŋ türi köp.
Äsirese, et önimderinen daiyndalǧan taǧamdarda, sütte kezdesetin «salmonella» dep atalatyn ziiandy mikroorganizm öte qauipti bolyp sanalady. Tipti, būl bakteriia qūstyŋ jūmyrtqasyna da ene alady. Tez köbeiedi. Salmonellalar tamaqtyŋ tüsin, dämin özgertpeidi, biraq küşeie kele özinen uly toksinder böledi.
Bizdiŋ auruhanamyzǧa künine osy diagnozben kem degende 4-5 adamǧa deiin tüsedi.
Salmonellez adamnyŋ jalpy jaǧdaiyna bailanysty jeŋil ötui de, ömirge qauip tudyrardai asa auyr tiiui de mümkin. Sozylmaly sipat alyp, ailarǧa, tipti jyldarǧa deiin sozyluy da yqtimal. Bäri de uaqytyly, jüieli emdeuge bailanysty.
Bizge kelip tüsken 36 nauqas qūlan-taza aiyǧyp, 11 säuir küni auruhanadan şyǧaryldy. Aldaǧy uaqytta bäri de tūrǧylyqty jeri boiynşa tekserilip tūratyn bolady.
Şynar DOSAN
