AURUDYŊ ALDYN ALUǦA ARNALǦAN ŞARA
Keşe «Han-şatyr» oiyn-sauyq sauda ortalyǧynda Astana qalasy Qoǧamdyq densaulyq saqtau departamentı, Densaulyq saqtau basqarmasy jäne salauatty ömır saltyn qalyptastyru ortalyǧynyŋ ūiymdastyruymen Düniejüzılık jürek künıne orai insult pen infarktıŋ aldyn alu maqsatynda «Öz densaulyǧyŋ – öz qolyŋda» atty şara öttı.
Dästürlı türde ötkızılıp tūratyn atalmyş şaraǧa kardiolog, endokrinolog, nevropatolog, nutrisiolog, dietolog siiaqty mamandar jūmyldyrylǧan. Oiyn-sauyq sauda ortalyǧyndaǧy kez kelgen elorda tūrǧyndary men qala qonaqtary osy jerde ūiymdastyrylǧan «Densaulyq qalaşyǧynda» tez arada tegın medisinalyq tekserısten ötuge, sonymen qatar qandaǧy gliukoza jäne holesterin deŋgeiın, qan qysymyn, būlşyq et salmaǧynyŋ mai tınderıne ara qatynasyn eseptei otyryp, dene salmaǧy indeksın anyqtauǧa mümkındık aldy. Sondai-aq, aq jeleŋdı abzal jandar tekserısten ötuşılerge dūrys tamaqtanu, dene belsendılıgı, infarktıŋ alǧaşqy belgılerı turaly keŋes berdı. Jürek kiımın kigen jastar da köpşılıkke merekelık köŋıl-küi syilady. Şara barysynda salauatty ömır saltyn qalyptastyru ortalyǧynyŋ direktory Aqmaral Qūrmanbaeva men Densaulyq saqtau basqarmasynyŋ ştattan tys bas terapevtı Larisa Prosko «Mi men jürek – adamnyŋ eŋ basty müşelerı. Sondyqtan dennıŋ saulyǧyna erekşe män berıp, ünemı damytyp otyrularyŋyz kerek. Barşaŋyzdyŋ densaulyqtaryŋyzdyŋ myqty boluyna tılektespız» dedı.
Mamandardyŋ sözıne
süiensek, 3 saǧattyq şara barysynda därıgerler 200-den astam adamǧa tegın qyzmet körsetuge qauqarly körınedı. Aq halattylardyŋ kömegıne jügıngender osyǧan deiın «Mega Silkway», «Keruen», «Evraziia» siiaqty oiyn-
sauyq sauda ortalyqtarynda ötken şaraǧa da qatysqandaryn aitty.
Nūrdäulet Käkışev