Keşe Memleket basşysy N.Nazarbaev S.Seifullin atyndaǧy Qazaq agrotehnikalyq universitetınıŋ rektory Aqylbek Kürışbaevty qabyldady.
Kezdesu barysynda otandyq agrarlyq ǧylymnyŋ jai-küiı, sondai-aq ony odan ärı damytudyŋ özektı mäselelerı talqylandy. A.Kürışbaev universitettıŋ soŋǧy jyldary qol jetkızgen jetıstıkterı jäne joǧary oqu orny bazasynda halyqaralyq agrarlyq zertteu universitetın qūru jönındegı Memleket basşysy tapsyrmasynyŋ ıske asyryluy turaly baiandady.
Nūrsūltan Nazarbaev Qazaqstanda jetkılıktı kölemde jer jäne adam resurstary bar ekenıne qaramastan, elımızde auyl şaruaşylyǧy salasy tiıstı qarqynda damymai otyrǧanyn aitty.
– Bız aua-raiy qolaily, jauyn-şaşyn qajettı mölşerde bolǧanda ǧana mol astyq jinaimyz. Ärine, auyl şaruaşylyǧynda önımdılık būrynǧy jyldarmen salystyrǧanda aitarlyqtai artty, bıraq älı de būl baǧytta belsene jūmys jürgızu mındetı tūr. Memleket osy mındettıŋ oryndaluyna edäuır resurstar bölude, – dedı Qazaqstan Prezidentı.
Memleket basşysy agroönerkäsıp keşenınde synnan ötken älemdık tehnologiialardy paidalanǧan jön ekenın, olardy Qazaqstan jaǧdaiyn eskere otyryp engızu qajettıgın aitty.
– Agroönerkäsıp keşenın damytu salasynda jūmysty köptegen ǧylymi-zertteu instituttarymen bırge «QazAgroİnnovasiia» jürgızude jäne memleket onyŋ jūmys ısteuı üşın jyl saiyn aitarlyqtai qarajat bölıp keledı. Alaida, osynau zertteu qūrylymdary men fermerler arasynda tiıstı deŋgeidegı özara ıs-qimyl joq, – dedı Nūrsūltan Nazarbaev.
Kezdesu barysynda A.Kürışbaev agrarlyq zertteu universitetın qūru tūjyrymdamasyn äzırleu jönındegı jūmys, basqaru jüiesı men bılım beru üderısın reformalaudyŋ bastalǧany turaly habarlady. Būǧan qosa, şet elderdıŋ jetekşı universitetterımen jäne ǧylymi ortalyqtarymen yntymaqtastyq ornap, pilottyq halyqaralyq zertteu baǧdarlamalary daiyndaldy.
Kezdesu qorytyndysynda Memleket basşysy qaralǧan mäseleler boiynşa bırqatar naqty tapsyrmalar berdı.
