Auyl taǧdyryna jauaptymyz
23 jeltoqsan künı Qazaq tehnologiia jäne biznes universitetınıŋ kolledjınde «Auyl» partiiasy atynan Parlament Mäjılısı deputattyǧyna ümıtker B.Tölegen, A.Sattarov, sondai-aq qalalyq mäslihat deputattyǧyna ümıtker B.Seisenov, D.Öteev, Ǧ.Baihanov, A.Elubaeva, F.Engişev jäne «Auyl» partiiasynyŋ Nūr-Sūltan qalasyndaǧy qoǧamdyq ştabynyŋ jetekşısı U.Jūmaǧūlov jūrtşylyqpen kezdesu ötkızdı.Kezdesudı oqu ornynyŋ direktory Dınmūhamed Öteev qūttyqtau sözımen aşyp, «Auyl» partiiasynyŋ sailaualdy baǧdarlamasymen qysqaşa tanystyryp öttı. Osy jiynǧa Qaraǧandy oblysynyŋ Jaŋaarqa audanynan äigılı gitaraşy, 75 jastaǧy Qorabai Esenov aǧamyz niettestıgın, tılektestıgın bıldırıp arnaiy kelıptı. Änşı 70-jyldary Selinogradtyŋ auyl şaruaşylyq institutynda oqyǧan. Ol student kezınde şyǧarǧan, bügınde mūqym qazaqqa etene tanymal bolyp ketken «Jas qalam», «Qoştasu» änderın şyrqap berdı. Būl änder Qazaq radiosynyŋ «Altyn qorynda» saqtalǧan.
– Qai qazaqtyŋ da tamyry auylda jatyr. Auyldyŋ problemasyna bärımızdıŋ janymyz auyrady. Sondyqtan Parlamentte el ışınde qordalanyp jatqan jaǧdailardy joǧarǧy bilıktıŋ qūlaǧyna jetkızetın öz ūiymymyz boluy kerek. Osy maqsatpen «Auyl» partiiasyna qoldau körsetıp kelıp otyrmyn, – dedı daŋqty änşı.
Al partiia atynan Mäjılıs deputattyǧynan ümıtker, «Ädemı-ai» ūlttyq kädesyilar kompaniiasynyŋ direktory Bahargül Tölegenqyzy memleketımızdıŋ damuy üşın ärbır azamattyŋ patriot boluy, elın-jerın süiuı, osy baǧytta boiyndaǧy barlyq küş-jıgerı men bılım-täjıribesın sarqa jūmsau kerektıgın aitady.
– Auyl – qazaq üşın qasiettı ūǧym. Alda-jalda Mäjılıs deputaty bolyp sailanyp jatsaq, auyldyŋ mūŋ-mūqtajdyǧyn aityp, kem-ketıgın toltyryp, joǧyn tauyp beru jolynda eŋbektenemız, – dedı ol. – Menıŋ käsıpkerlık qyzmetım ūlttyq qūndylyqtardy nasihattaumen bailanysty. Kädesyilar arqyly jalpaq jūrtşylyqqa, syrttan kelgen turisterge halqymyzdyŋ salt-dästürın, mädenietın, jol-joralǧylaryn tanystyramyz. Şeteldıkterdıŋ Qazaqstan turaly tüsınık-paiymyn keŋeituge östıp özımızşe ülesımızdı qosyp jatqan jaiymyz bar.
Ümıtker sözınıŋ soŋynda köpşılıktı «Auyl» partiiasy üşın dauys beruge şaqyrdy.