Qoǧamdyq kölıktegı jolaqyny köteru, konduktorlardy jūmystan bosatu jäne saralanǧan tarif engızu mäselelerı halyqty bıraz dürlıktırgen bolatyn. Keşe astana qalasy qoǧamdyq keŋesı ūiymdastyrǧan tyŋdau kezınde «Astana LRT» JŞS basqarma töraǧasy Bekmyrza İgenberdinov jaŋa jüie turaly baiandap berdı.
Jaŋa jüiege säikes, qaladaǧy avtobustarda konduktorlar bolmaidy. «Saralanǧan tariftı engızgen sätten bastap myŋdaǧan konduktorlar bosaidy. Öz jūmysyn bıletın bılıktı mamandar avtobus parkınıŋ baqylau jelısıne nemese kölık baqylau qyzmetıne auystyrylady. Mūny şamamen şıldenıŋ soŋyna deiın jüzege asyramyz» dedı «Astana LRT» kompaniiasynyŋ basşysy.
Bekmyrza İgenberdinov jol jüru qūny Astra plat kartasymen töleu kezınde 90 teŋge bolyp qalatynyn aitty. Al kölık kartasyn satyp alǧysy kelmeitınder avtobus jürgızuşısıne – 180 teŋge, al ekspress baǧdar üşın 250 teŋge töleuı tiıs. Qoǧamdyq kölıkte jeŋıldıkpen jüretın azamattar mäslihat bekıtkendei sol qalpy qalady. Eskeru kerek, avtobustaǧy validator ısten şyqqan jaǧdaida, jolauşy tegın jüruge qūqyly.
Bügıngı taŋda 218 myŋnan astam jolauşy atauly kölık kartasyn paidalanady. Astra plat kölık kartasyn astanalyqtar arnaiy kassalardan satyp ala alady. Ol üşın qalada 6 kassa jäne 30 avtomat ornatylǧan. Sondai-aq, jaqyn arada kölıktık kartalaryn Qiwi, Kaspi.kz terminaldary jäne internet-banking arqyly toltyru mümkındıgı paida bolady.
