Jyl saiyn dästürge ainalǧan «Astana» halyqaralyq avtorlyq än festivalı biyl da jalǧasyn tauyp, şymyldyǧyn türdı. Üş kün boiy Qaraǧandy tas jolynyŋ 17-şaqyrymynda ötken dumandy keş öz qonaqtaryn ǧajaiyp tabiǧat aiasynda siqyrly sazǧa bölep, äuezdı änmen terbedı.
Arnasy keŋeigen, arqaly avtorlyq än baiqauy – 1979 jyldan berı türlı memlekette ötıp keledı. 1999 jyly oǧan halyqaralyq märtebe berılgen. Aituly şara deŋgeiı men körkemdık jaǧynan TMD kölemınde ötetın maŋyzdy mädeni şaralardyŋ bıregeiı sanalady. Bas qalanyŋ özınde on jyldan berı qazyǧyn qaqqan baiqau önerdegı dostyqty nasihattauǧa qomaqty üles qosyp keledı.
–Biyl da mädeni keşke kelgen qonaqtardyŋ qarasy köp. Äsırese, Reseiden avtorlyq dästürlı än mektebınıŋ bır qauym ökılderı keldı. Sondai-aq, Özbekstan, Qyrǧyzstan, Germaniia jäne İzrailden at basyn būrǧan bard änşılerdıŋ önerlerı de eşkımdı bei-jai qaldyrmaidy,-dedı onyŋ ūiymdastyruşysy Maqsat Särsenbekov.
Äsırese, senbı künı ymyrt jabyla dumandy keştıŋ körıgı qyza tüstı. Jan-jaqtan jinalǧan qonaqtar ortaǧa alau jaǧyp, jūldyzdary jymyŋdaǧan elordanyŋ qarakök aspanyn qyzyqtady. Şaǧyn qoiylymdar qoidy. Bırınen-bırı ötetın änşıler gitaranyŋ syrly äuezıne qosylǧan qoŋyr dauystarymen küreŋ keştı körkem küige böledı.
Alaida, bızdıŋ köŋılımızde eptegen mūŋ qalyp qoidy. Qazaq önerınde de avtorlyq ännıŋ iesı sanalatyn aituly tūlǧalar jeterlık. Nege solardy osyndai baiqaularǧa şaqyrmasqa?..Mäselen, avtorlyq ännıŋ «atasy» sanalatyn Qorabai Esenov kımnen kem? Tıptı, keşegı ömırden ötken Tabyldy Dosymov şe..? Aita berse, qazaq önerpazdarynyŋ arasynda bard änşılerdıŋ özı bır qauym. Kelesı festivalde osy olqylyqtyŋ ornyn toltyrǧan jön sekıldı.
Ärine, baiqau bolǧannan keiın odan «jüzden jüirık, myŋnan tūlpar» şyǧary haq. Biylǧy festivalge qatysuşylar tört nominasiia boiynşa synǧa tüstı. Kıleŋ saidyŋ tasyndai ırıktelgen saŋlaqtardyŋ arasynan üzdıkterdı anyqtau da oŋai bolǧan joq. Alaida, «Avtorlyq» atalym boiynşa jerlesımız, kerekulık Konstantin Bobyliov laureat atandy. Ekınşı, «Oryndauşy» atalymy negızınde Ombydan kelgen Andrei Kazansev ozyp şyqty. Al, «Duet» atalymynda ombylyq Andrei jäne Evgeniia Kazansevtar üzdık atandy. Qyzyljarlyq «Soiuz-Avtor» ansamblı öz atalymynda bas jüldenı ielendı. Bırqatar önerpazdar festivaldıŋ diplomanty atandy. Qysqasy, biyl da avtorlyq än baiqauy öz deŋgeiınde ötıp, qonaqtar bır-bırımen qimai qoştasty.
Azamat ESENJOL
