«Auyl» halyqtyq-demokratiialyq partiiasy öz tızımındegı 25 ümıtkerımen üşınşı ret parlamenttık sailauda baq synaidy. Majoritarlyq jüie boiynşa 9 adam ümıtker bolady. 4 aqpanda ötken partiianyŋ kezekten tys HHII qūryltaiynda osyndai şeşım qabyldandy.
Qūryltaidy aşyp, söz söilegen «Auyl» partiiasynyŋ töraǧasy Äli Bektaev 2017 jyly bırınşı sailaudaǧy partiianyŋ körsetkışı köŋılden şyqpaǧanyn mälımdedı.
«Osymen üşınşı ret Parlament jäne mäslihat sailauyna qatysamyz. 2017 jyly bırınşı sailauda bızdıŋ körsetkış köŋılımızden şyqqan joq. Sodan berı «Auyl» partiiasy özınıŋ jūmysyn jandandyryp, josparyna tolyq özgerıster engızıp, keşendı baǧdarlamasyn qalyptastyrdy. Qazırgı uaqytta saiasi ūiymǧa ainaldyq dep tolyq senımmen aita alamyn. Biylǧy sailaudan ülken ümıt kütemız. Būl nauqanda partiianyŋ 600-den astam ökılın türlı deŋgeidegı mäslihat deputattyǧyna ümıtker retınde ūsynamyz» dedı partiia töraǧasy.
Qūryltaida partiianyŋ sailaualdy baǧdarlamasyndaǧy negızgı mäseleler talqyǧa tüstı. Mäselen, tūrǧyndarmen kezdesu barysynda tūtynuşylar tarapynan baǧalarǧa qatysty köptegen sūraq tuyndaidy. Negızınen, baǧanyŋ tūraqsyzdyǧy, onyŋ ünemı köterıletını, tauardyŋ qymbattyǧy turaly aitylady. Al satuşylar «otandyq tauar öndıruşıler tauarlardy jüielı türde jetkızbeidı, sondyqtan importtyq daiyn önımdermen jūmys ısteuge mäjbür bolamyz» degen pıkırdı alǧa tartady. Partiia töraǧasynyŋ orynbasary Jiguli Dairabaev azyq-tülık tauarlary baǧasynyŋ tūraqty ösuı eldıŋ azyq-tülık qauıpsızdıgıne töngen qauıp ekenın aitady.
«Azyq-tülık qauıpsızdıgı elementınıŋ bırı – azamattardyŋ qoljetımdı, qolaily baǧamen azyq-tülık satyp alu mümkındıgı. Būl bızdıŋ elde joq. Mūnyŋ bärı retteluı üşın eŋ bastysy qoldau qajet. Qaptamaǧa yŋǧaily, sapaly, sūryptalǧan önım köp boluy kerek. Ol üşın kooperativter, satu kooperativterı qūryluǧa tiıs. Memlekettıŋ agrarlyq saiasatyn üilestıru qajet. Ol üşın auyl şaruaşylyǧy infraqūrylymyn qūru maŋyzdy. Auyl eŋbekkerlerınıŋ auylda öndıretın önımderın däl osy ūiymdar satyp alyp, qalaǧa jetkızedı. Mūnyŋ bärı auyl şaruaşylyǧy tauaryn öndıruşılerdıŋ kooperasiiasy negızınde boluǧa tiıs. Baǧalar qolaily boluy üşın auylşaruaşylyq önımderın köbırek öndırıp, sapaly önım şyǧaru kerek» deidı ol.
Aitpaqşy, «Auyldyŋ» partiialyq tızımındegı 25 ümıtkerdıŋ ışınde Prezident sailauyna qatysqan ekı adam bar: bıreuı – Jiguli Dairabaev, ekınşısı – jaqynda osy partiiaǧa ötken Qaraqat Äbden. Majoritarlyq jüie boiynşa «Auyldan» 9 adam Astanada, Soltüstık Qazaqstan, Aqmola, Şyǧys Qazaqstan, Qostanai, Qyzylorda, Atyrau, Ūlytau oblystarynan jäne Almatydan sailauǧa qatysady.
