Auyzbırşılık bolyp, arandatuǧa ermeiık!
![](https://astana-akshamy.kz/wp-content/uploads/2023/04/bez-nazvaniya-e1680548275508.jpg)
– Täuelsız elımız özınıŋ jaŋa damu kezeŋı – Ädılettı Qazaqstan baǧytyn aiqyndap, ony ıske asyru jolynda atqaryp jatqan saiasi reformalarǧa qarsy ışkı qarsylastarymyzben qatar, syrtqy jaularymyz da qoǧamǧa ırıtkı salyp, eldıŋ tūtastyǧyna qauıp töndırude. Eldegı saiasi reformalardyŋ ekınşı kezeŋı, Parlament jäne mäslihat deputattaryn sailau qorytyndysynyŋ nätijesıne bailanysty bilıkke talasuşylar arasyndaǧy kelıspeuşılıktı uşyqtyru maqsatynda Petropavldaǧy «Narodnyi sovet» degen separatistık baǧyttaǧy qoldan arnaiy jasalǧan ūiymnyŋ ündeuı – qoǧamdaǧy teketıreske äkeletın alǧyşarttyŋ qalyptasuy. Sondyqtan Qazaq elınıŋ täuelsızdıgın, bırlıgın, tūtastyǧyn saqtaityndar sabyr saqtap, auyzbırşılıkte bolyp, memlekettık qauıpsızdık organdarynyŋ jūmysynyŋ qorytyndysyn tosaiyq. Asyǧystyq jasap, osyndai tarihi qiyn kezeŋde özımızge-özımız, iaǧni ūltymyzǧa ziian tigızbeiık. Eldegı osyndai jaǧdaidyŋ bolyp jatqanyna bız özımız kınälımız. Qazaǧym öz tılınde söilemeidı, ana tılınıŋ qadırın özderı ketıredı. Qazaǧym ata-baba salt-dästürın saqtamaidy, batysqa, arabqa elıktep ömır sürudı jaqtaidy. Jemqorlyq pen aqşaǧa satylu memlekettık deŋgeide joiylmai otyr. «Bır ūlt, bır dınde bolaiyq» degendı tüsınbeidı. Qoǧamda osyndai jaǧdaidyŋ boluyna kım kınälı deisız ǧoi? Menıŋ aitarym, ärbır qazaǧym kınälı, onyŋ ışınde men de, sız de kınälı. Ūlttyq bırlıgımızdı saqtaiyq!
Ädılettı Qazaqstan qūramyn dep jantalasyp jatqan Prezidentımızdıŋ maŋyna toptasu kerek.
Qajymūrat NÄSİEV,
«Ūlttyq müdde» qoǧamdyq bırlestıgınıŋ müşesı, ardager ūstaz, Astana qalasy boiynşa «Mereilı otbasy-2021» baiqauynyŋ jeŋımpazy