Elbasy tapsyrmasyna säikes Memlekettık qyzmet ısterı jäne sybailas jemqorlyqqa qarsy ıs-qimyl agenttıgı sybailas jemqorlyqtyŋ aldyn alyp, oǧan jol bermeu maqsatynda «Astana – adaldyq alaŋy» jobasy şeŋberınde bırneşe kürdelı äreketter jiyntyǧyn qabyldady. Sonyŋ bırı – «Azamattyq baqylau» jobasy. Atalǧan jobany jüielı türde jüzege asyruǧa Astanada qoǧamdyq ūiymdar da belsene atsalysuda.
Mūndaǧy maqsat, bırınşıden, sybailas jemqorlyqqa qarsy mädeniettı qalyptastyru, zaŋ talaptarynyŋ būzyluyna jol bermeu jäne halyqqa sapaly qyzmet körsetudı qamtamasyz etu bolsa, ekınşıden, qoǧamdyq qabyldau ötkızu arqyly qarapaiym halyqtyŋ mūŋ-mūqtajyn tyŋdap, jauapty oryndarǧa jetkızu.
«Azamattyq baqylau» jobasy şeŋberınde Astana qalasynda bırneşe ıs-şaralar jürgızılude. Būl mındet Astanada «Jaŋaru» sybailas jemqorlyqqa qarsy jalpyūlttyq qozǧalysynyŋ töraǧasy Oralbai Äbdıkärımovtıŋ būiryǧymen Astana qalalyq filialyna jükteldı. Iаǧni «Azamattyq baqylau» jobasy şeŋberınde atalǧan qoǧamdyq bırlestık aǧymdaǧy jyly bäsekelestıkte jeŋımpaz atanyp, şılde aiynda öz jūmysyn bastaǧan bolatyn. Osy uaqyt ışınde ötkızılgen qoǧamdyq qabyldaularda qala tūrǧyndarynan ötınışter tyŋdaluda. Mūnyŋ basym köpşılıgı tūrǧyndardyŋ üi, jer jäne anyqtama aluy, basqa da memlekettık mekemelerdegı qyzmet körsetuge bailanysty. Būl saualdarǧa ötınış ielerınıŋ der kezınde jauap alyp, sybailas jemqorlyqqa jol berılmeuın qamtamasyz etu üşın jazbaşa türde ötınışter alynyp, tiıstı memlekettık organdarǧa joldanuda.
Barlyq ıs-şaralar tiianaqty, jan-jaqty qaralyp, nätijelı boluy üşın memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Astana qalasy boiynşa departamentı atynan qūzyrly mekeme basşylaryna tiıstı tapsyrmalar berıldı. Arnaiy şaralar qoldanu nätijesınde ötınışterdıŋ qaraluy zaŋǧa säikestendırılıp, jauapkerşılık küşeitılude.
Mäselen, Almaty, Baiqoŋyr, Esıl, Saryarqa audandarynda mamyr-şılde ailarynda ötken «Adal jol – Chestnyi put» marafony qarqyndy nätije berdı. Mobildık nasihattyq top, mobildık qoǧamdyq qabyldau öz jūmystaryn bastady. Memlekettık qyzmetkerlermen, qala jūrtşylyǧymen bırge aldymyzda bırneşe döŋgelek üstel otyrystary, eŋbek ūjymdarymen, dıni ūiymdarmen, biznes qauymdastyqtarymen kezdesuler ötkızılıp, halyqqa qyzmettegı problemalardyŋ paida bolu negızderın tabu közdelınıp otyr.
Negızı Astanada «Azamattyq qoǧam» jobasyna saiasi ükımetke täuelsız jūmys ısteitın jäne oǧan yqpal jasauǧa qabılettı äleumettık qatynastar men instituttar jiyntyǧy, jeke adamdar men äleumettık subektıler qoǧamdastyǧy şoǧyrlanǧan.
Qandai da bolmasyn qoǧamdyq mänı bar ideialardy qabyldau qaşanda sūhbatty, iaǧni sūhbattasuşy jaqtardyŋ türlı közqarastaryn jäne maŋyzdy tepe-teŋdıgın bıldıredı. Eşkım eşkımge öz tüsınıgın moiyndatudy da, eşkım eşkımdı dälme-däl qaitalaudy da maqsat etpeidı. İdeialar belgılı qoǧamnyŋ, äleumettık damudyŋ talaptaryna säikes keletındıkten qabyl alynady. Sondai ideialardyŋ qataryna «Azamattyq qoǧam» ideiasy jatatyny anyq.
Qazırgı analiz azamattyq qoǧamnyŋ jalpyǧa bırdei ortaq anyqtamasy joq ekenın baiqatady. Degenmen, älemdık äleumettık-filosofiialyq ǧylymda būl fenomendı zertteudıŋ ekı türlı baby bar.
Bırınşısı, azamattyq qoǧamdy äleumettık ämbebap kategoriia retınde qarastyrady. Būl ūǧymǧa olar memleketke, ökımet qūrylymdaryna qarama-qarsy qoiylǧan qoǧamdyq qarym-qatynastardyŋ bükıl jiyntyǧyn syiǧyzady.
Ekınşısı, azamattyq qoǧam ūǧymynyŋ maǧynasyna şynaiy batystyq fenomendı jatqyzady, ony naryqtyq – demokratiialyq qarym-qatynastardyŋ qalyptasuymen bailanystyrady.
«Sybailas jemqorlyqqa qarsy mädeniet — qoǧam qabyldauy tiıs qūndylyqtar jiyntyǧy. Elımızdıŋ barlyq öŋırlerınde bastau alǧan «Azamattyq baqylau» jobasy osy joldaǧy bırınşı qadamǧa ainaldy. Ol öŋırlerdegı qoǧam ömırınıŋ belsendı qatysuşylaryn jinady» degen edı Alik Şpekbaev.
«Azamattyq baqylau» jobasy memleket pen qoǧamnyŋ sybailas jemqorlyqqa qarsy ıs-qimyl mäselelerı boiynşa özara ıs-qimylynyŋ tiımdı tetıgıne ainalǧanyn atap ötu qajet.
Jemqorlyqpen küres – būl uaqytşa nauqan emes, ol Prezidentımızdıŋ ūzaq merzımdı memlekettık saiasaty. Jemqorlyqty eŋserıp, 2020 jylǧa qarai halyqaralyq sarapşylardyŋ baǧalauy boiynşa sybailastyq deŋgeiı eŋ tömen alǧaşqy 60 memlekettıŋ qataryna kıru jönındegı orasan mındetke qol jetkızuımız Memleket basşysynyŋ tapsyrmalaryn bızdıŋ qalai oryndaǧanymyzǧa bailanysty bolmaq.
Däuletkerei
RAHMETULLİN,
«Jaŋaru» sybailas
jemqorlyqqa qarsy
jalpyūlttyq qozǧalys»
RQB töraǧasynyŋ
orynbasary,
Astana qalalyq
filialynyŋ direktory
