Premer-ministr Asqar Mamin Ükımettıŋ sifrlyq keŋsesınde ortalyq memlekettık organ basşylarynyŋ jäne öŋır äkımderınıŋ qatysuymen äleumettık maŋyzy bar azyq-tülık tauarlarynyŋ (ÄMAT) baǧasyn retteu mäselesı boiynşa keŋes ötkızdı. Ministrlık basşylary men oblys äkımderı qazırgı jaǧdai men atqarylyp jatqan jūmystar turaly baiandady.
Ötken aptada äleumettık maŋyzy bar azyq-tülık tauarlary baǧasynyŋ ösuı 0,1% qūrady. Būǧan jūmyrtqa baǧasynyŋ 0,7%-ǧa jäne qyryqqabat baǧasynyŋ 0,8%-ǧa qymbattauy äser ettı. Sonymen qatar piiaz (-0,9%), qaraqūmyq jarmasy (-0,6%), siyr etı men rojki (0,1%) baǧasynyŋ tömendeuı baiqalady. Süzbe, säbız, künbaǧys maiy, kürış jäne qant baǧasy özgergen joq.
Biyl qazan aiynda ÄMAT baǧasynyŋ dinamikasy 2016-2020 jyldardaǧy osyndai kezeŋdegı ortaşa mändermen (1%) salystyrǧanda neǧūrlym baiau qarqynyn (0,7%) körsettı. Öŋırlerde «ainalym shemasyn» qarjylandyru 46,1 mlrd teŋgege jettı. Nysanaly deŋgei 92,2%-ǧa qamtamasyz etıldı. 373 myŋ tonna äleumettık maŋyzy bar tauar satyp alyndy, būl ötken aptadaǧy körsetkışpen salystyrǧanda 22%-ǧa artyq.
Jalpy respublika boiynşa monopoliiaǧa qarsy komplaenstıŋ 135 aktısı jasaldy. Baǧanyŋ ösuı baiqalǧan aimaqtarda tauar naryqtaryn saraptau aiaqtalyp, tauyq etı men tauyq jūmyrtqasyn öndıruşılerge qatysty tergeu bastalady. Premer-ministr öŋırlerdıŋ äkımderıne «ainalym shemasyn» qarjylandyrudy ūlǧaitu, önımder boiynşa üş ailyq qorlardy ūsynylǧan kölemderge deiın jetkızu, forvardtyq satyp alu şeŋberınde «Azyq-tülık korporasiiasy» ŪK» AQ-qa astyq jetkızu qarqynyn arttyru jūmystaryn küşeitudı, sondai-aq sauda subektılerınıŋ sauda üstemelerın asyryp jıberu faktılerıne jedel den qoiudy tapsyrdy.4
