Nur Otan partiiasynyŋ Töraǧasy Nūrsūltan Nazarbaev Bauyrjan Baibektı qabyldady.
Kezdesude «Özgerıster joly: Är azamatqa laiyqty ömır!» sailaualdy baǧdarlamasyn ärı qarai jüzege asyru mäselelerı, sondai-aq auyl äkımderın alǧaşqy tıkelei sailau nätijesı talqylandy.
– Biyl partiia bırneşe maŋyzdy nauqan ötkızdı: bız Parlament Mäjılısınıŋ sailauyna qatysyp, jeŋıske jettık, sondai-aq tarihymyzda alǧaş ret auyl äkımderınıŋ sailauy öttı. Partiianyŋ ortalyq apparaty men filialdary jergılıktı jerlerde auqymdy jūmys atqardy. Qaraşa aiynda partiianyŋ Saiasi keŋesınıŋ keŋeitılgen otyrysyn ötkızu josparlanyp otyr. Onda ötken nauqandardyŋ qorytyndysy boiynşa közge tüsken partiia belsendılerınıŋ eŋbegın atap ötuımız kerek, – dedı Elbasy.
Nur Otan partiiasynyŋ Töraǧasy halyqpen tyǧyz bailanysta jūmys ısteudı jalǧastyru kerektıgın aityp, sailaualdy uädelerdıŋ jüzege asuyn qadaǧalaudyŋ maŋyzdylyǧyna toqtaldy.
– Jūrtşylyqpen jūmysty jalǧastyrǧan jön. Olardyŋ mäselelerın bılu, atqaruşy bilık organdaryna jetkızu jäne şeşımın tabuyn qadaǧalau qajet. Partiia bedelın nyǧaitudy ärı qarai jalǧastyru kerek, – dedı Nūrsūltan Nazarbaev.
B.Baibek auyl äkımderın sailau nätijelerın baiandady, sondai-aq Nur Otan müşelerı men elektorattyŋ būl proseske belsene atsalysqanyn atap öttı.
– Auyl äkımderın tıkelei sailaudyŋ qorytyndysy boiynşa bızdıŋ partiianyŋ ökılderı okrugterdıŋ 86 paiyzynda jeŋıske jettı. Partiia arqyly sailanǧandardyŋ 35 paiyzy – jaŋadan kelgender. Jalpy äkımder korpusy 50 paiyzǧa jaŋardy. Olardyŋ ortaşa jasy – 46, äielder – 11 paiyzdy, jastar 14 paiyzdy qūrady, – dedı Nur Otan partiiasy Töraǧasynyŋ bırınşı orynbasary.
B.Baibektıŋ mälımetı boiynşa jyl basynan berı partiianyŋ qoǧamdyq qabyldaularyna 103 myŋnan astam adam habarlasyp, 20 myŋ azamat qabyldandy. Sondai-aq öŋırlerde qoǧamdyq keŋester arqyly tüsken 4,5 myŋnan astam özektı äleumettık mäsele partiianyŋ baqylauyna alyndy.
Kezdesude Nūrsūltan Nazarbaevqa sailaualdy indikatorlardyŋ oryndalu barysy turaly esep berıldı. Sondai-aq partiianyŋ jastardy jäne halyqtyŋ äleumettık tūrǧydan az qamtylǧan toptaryn qoldau şaralary, öŋırlerde partiialyq baqylaudy qamtamasyz etu qyzmetı turaly aqparat ūsynyldy.
Soŋynda Elbasy partiianyŋ ortalyq apparaty men öŋırlık filialdaryna Saiasi keŋestıŋ keŋeitılgen otyrysyn ötkızuge jan-jaqty daiyndyq jürgızudı tapsyrdy.
***
Nūrsūltan Nazarbaev «Samūryq-Qazyna» ūlttyq äl-auqat qory» aksionerlık qoǧamy basqarmasynyŋ töraǧasy Almasadam Sätqalievtı qabyldady.
Kezdesude Qazaqstannyŋ Tūŋǧyş Prezidentıne «Samūryq-Qazyna» qorynyŋ öndırıstık jäne qarjylyq körsetkışterı turaly baiandaldy.
A.Sätqalievtıŋ mälımetı boiynşa biylǧy 7 aida uran saudasynda, elektr energiiasyn öndırude, sondai-aq konteinerlık tasymaldauda körsetkışterdıŋ oŋ qarqyny baiqaluda.
Elbasyǧa Qor tobyndaǧy käsıporyndardaǧy vaksinasiialau prosesı men sanitarlyq-epidemiologiialyq qauıpsızdık şaralary turaly mälımet berıldı.
Kezdesu qorytyndysy boiynşa «Samūryq-Qazyna» ūlttyq äl-auqat qoryn basqaru jönındegı keŋestıŋ Töraǧasy bırqatar naqty tapsyrma berdı.
***
Nūrsūltan Nazarbaev Jambyl oblysynyŋ äkımı Berdıbek Saparbaevpen telefon arqyly söilestı.
Äŋgıme barysynda Qazaqstannyŋ Tūŋǧyş Prezidentıne Jambyl oblysy Baizaq audanyndaǧy tötenşe jaǧdaiǧa bailanysty öŋır halqynyŋ qauıpsızdıgın qamtamasyz etu boiynşa atqarylyp jatqan jūmys jaiynda mälımet ūsynyldy.
Elbasy barlyq zardap şekken adamdarǧa kömek körsetudıŋ jäne tötenşe jaǧdai saldaryn joiudyŋ maŋyzdylyǧyn atap öttı.
***
Elbasy Qorǧanys ministrı Nūrlan Ermekbaevpen telefon arqyly söilestı.
Äŋgıme barysynda Qauıpsızdık Keŋesınıŋ Töraǧasyna Jambyl oblysy tūrǧyndarynyŋ qauıpsızdıgın qamtamasyz etu jäne Baizaq audanyndaǧy tötenşe jaǧdai saldaryn joiu üşın qabyldanǧan şaralar turaly aqparat berıldı.
Qazaqstannyŋ Tūŋǧyş Prezidentı tötenşe jaǧdai kezınde qaza bolǧan adamdardyŋ tuǧan-tuystary men jaqyndaryna köŋıl aityp, zardap şekkenderdıŋ tezırek sauyǧyp ketuıne tılektestık bıldırdı.
