Jyl basynan berı Nūr-Sūltannan Ekıbastūz qalasyna 103 köpbalaly otbasy qonys audaryp, 600-den astam adam jaŋa jerde qonys toiyn toilady. Jūmysqa qabılettı eresekterdıŋ 80 paiyzy jūmyspen qamtamasyz etıldı.
Būl elımızde keŋ örıs alǧan «Eŋbek» baǧdarlamasynyŋ aiasynda jüzege asty. QR Eŋbek jäne halyqty äleumettık qorǧau bırınşı vise-ministrı Erjan Jylqybaevtyŋ aituynşa, būl baǧdarlama boiynşa soltüstık öŋırge 4000 adam qonys audaryp, onyŋ 65 paiyzy jūmysqa ornalasty.
Aita keter bolsaq, Pavlodar oblysynda «Nurly Ertis» jobasymen Ekıbastūzǧa elordadan köşkenderdıŋ balalaryn balabaqşaǧa tegın qabyldap, mektep kiımı men qūral-jabdyqtarmen qamtamasyz ettı. Mektep jasyndaǧy 11-synypqa deiıngı balalarǧa tegın tamaq berıledı. Otbasyndaǧy eresekterdıŋ bırıne kölıktık jol biletterı berılıp, alǧan päterın bes jyldan keiın bastapqy jarnasyz-aq jekeşelendıru qarastyrylǧan.
«Būl baǧdarlama tiımdılıgın körsettı. Osy jyldyŋ aiaǧyna deiın Nūr-Sūltan qalasynan taǧy da 200-den astam adamdy Ekıbastūz qalasyna köşıru josparlanuda» dedı Erjan Jylqybaev.
Onyŋ mälımetınşe, biyl Soltüstık Qazaqstan oblysyna 428 üidıŋ qūrylysyna jūmsalatyn 3 mlrd teŋge audarylǧan. Qonys audarǧan otbasy müşelerıne bır rettık (35 AEK) 88 myŋ teŋge tölemaqy berıledı.
