1 qyrküiekte elordada «Nazar audaryŋyz: balalar!» jedel-aldyn alu şarasy bastaldy. Reid 1-30 qyrküiek aralyǧynda ötedı.
Qalalyq Polisiia departamentı mälım etkendei, oqu jylynyŋ bastaluyna orai poliseiler mektepter maŋyndaǧy jol belgılerı men jaiau jürgınşıler jolaqtaryn tekserıp şyqqan. «Qazırgı kezde 91 mektep, 100-den astam balabaqşa men şaǧyn ortalyq, 42 kolledj maŋyna tekserıster jürgızıldı. Anyqtalǧan kemşılıkterdı joiu boiynşa tiıstı mekemelerge hattamalar jıberıldı. Sonymen qatar, oquşylardy tasymaldaityn mektep avtobustary tekserıldı» deidı atalǧan vedomstvo ökılderı.
Sondai-aq iuvenaldyq jäne äkımşılık polisiia qyzmetkerlerı balalar men ata-analar üşın profilaktikalyq ıs-şaralar ötkızedı, jol jüru erejelerınıŋ būzyluyn boldyrmau maqsatynda reidter ūiymdastyrady. Aita keteiık, şaharda osy jyldyŋ jetı aiy ışınde kämeletke tolmaǧan balalarǧa qatysty 67 jol-kölık oqiǧasy bolǧan. Sonyŋ saldarynan 3 bala mert bolyp, 70-ı türlı deŋgeide dene jaraqatyn alǧan. Al balalardyŋ kınäsınen bolǧan 37 jol-kölık apaty tırkelgen.
