Elordada memlekettık-jekemenşık ärıptestık aiasynda jalpy syiymdylyǧy 1680 oryndyq alty balabaqşanyŋ qūrylysy josparlanǧan. Memleket tarapynan būl jūmysty atqaruǧa injenerlık jelılerı bar jer telımderı berılıp, memlekettık saraptama qorytyndysy şyǧarylǧan jobalyq-smetalyq qūjattama ūsynyldy. Nūr-Sūltan qalasy mäslihatynyŋ köpşılık tyŋdaularynda osyny mälımdegen qalalyq Bılım beru basqarmasy basşysynyŋ mındetın atqaruşy Baǧlan Smataeva būl baǧyttaǧy tüitkılderdı jasyrmady.
Jobanyŋ jalpy qūny 7 mlrd teŋgeden asady. Jobany jüzege asyru merzımı – 20 jyl. Iаǧni, balabaqşa salynǧannan keiın jeke ärıptes tiıstı zaŋnama men kelısımşartqa säikes 19 jyl boiy mektepaldy tärbieleu men oqytu qyzmetın körsetedı. Jeke käsıpker memlekettık bılım beru tapsyrysy şeŋberınde balabaqşa quattylyǧyna sai qyzmet körsetuı tiıs.
Jeke ärıptestı taŋdau boiynşa konkurs ötkızılıp, kelısımşarttar jasalǧan. Soǧan säikes elordadaǧy «Büldırşın-2012» JŞS Husein ben Talal köşesınde 240 oryndyq balabaqşa saluy kerek. Sondai-aq şyǧys- qazaqstandyq «Uspeh Gold-8» JŞS bır, Polşa memleketınıŋ «Termo-klima MK» JŞS tört balabaqşa qūrylysyna mındettemelerdı alǧan.
«Qazırgı kezde memlekettık-jekemenşık ärıptestık komissiiasy kelısımşartqa qosymşa kelısım şyǧaru boiynşa «Büldırşın-2012» JŞS-men jūmys jürgızıp jatyr. Jeke ärıptes balabaqşany osy jyldyŋ aiaǧynda paidalanuǧa berudı josparlap otyr. Al «Uspeh Gold-8» JŞS men «Termo-klima MK» JŞS qūrylysty bastamaǧandyqtan, olarǧa kelısımşartty būzu turaly hat jıberıldı. «Termo-klima MK» mūnymen kelıspei, moinyna alǧan mındettı oryndaimyn dep otyr. Memlekettık saraptama qorytyndysy şyǧarylǧan jobalyq-smetalyq qūjattamanyŋ merzımı ötıp ketkennen keiın joba qymbattauy mümkın. Jeke ärıptestıŋ kınäsınen kelısımşart oryndalmasa, memlekettık ärıptes aiyppūl öndırıp aluǧa ötınış beruge qūqyly. Qazırgı kezde kelıssözder jürıp jatyr. Eger taraptar kelısımge kelmese, memlekettık ärıptes kelısımşartty būzu üşın sotqa şaǧym tüsıredı» deidı B.Smataeva.
