Keşe Astana qalasynyŋ №2 qalalyq balalar auruhanasynda balalardyŋ medisinalyq, bılım beru jäne äleumettık mekemelerınıŋ on basşysyna jaŋa medisinalyq jäne innovasiialyq qondyrǧylar aluǧa sertifikattar tabystaldy. Saltanatty şara «Şevron» kompaniiasy men «Aiala» jeke qaiyrymdylyq qory jüzege asyratyn jyl saiynǧy qaiyrymdylyq aksiiasy auqymynda öttı.
– Jergılıktı densaulyq saqtau oryndaryn qoldap, salauatty ömır saltyn nasihattaityn baǧdarlamalar – «Şevron» kompaniiasynyŋ älemdegı ǧana emes, Qazaqstandaǧy investisiiasynyŋ bır bölıgı, – dedı kompaniia ökılı Leila Aitmūhanova.
Äleumettık joba negızınde biyl «Şevron» kompaniiasy №3 perinataldy ortalyq, №1 jäne №2 balalar emhanalary, qalalyq balalar jūqpaly aurular auruhanasy, №23,
№22 jäne №64 balabaqşalar, intellektualdy auytquşylyǧy bar balalarǧa arnalǧan mektep-internat, balalardyŋ jüike aurulary medisinalyq-äleumettık mekemesı, «Dos» täuelsız ömır mügedekter ortalyǧy üşın arnauly bölmeler daiyndap, jaŋa medisinalyq qūral-jabdyqtar, tehnika, jihaz satyp aldy.
Atalǧan kompaniia alǧaşqy künnen bastap Astana qalasy äkımdıgımen bırlesıp qalalyq medisinalyq, bılım beru jäne äleumettık mekemelerıne materialdyq kömek körsetıp keledı. Qor qyzmetınıŋ negızgı baǧyty – balalar emhanalary men bılım beru mekemelerıne: auruhanalarǧa, emhanalarǧa, perzenthanalarǧa, şipajailar men sauyqtyru ortalyqtaryna, balalar üilerıne, mektep-internattarǧa qol ūşyn sozu.
Is-şara barysynda jas estrada änşılerı öner körsetıp, soŋynan osy äleumettık aksiia aiasynda jabdyqtalǧan №2 qalalyq emhana ǧimaratynyŋ tırek-qimyl müşelerı būzylǧan jäne tılı keş şyqqan balalarǧa arnalǧan «Relaks» sensorlyq bölmesı tanystyryldy.
Jūma ǦAZİEV
