Keşe «Mega Silk Way» sauda-oiyn-sauyq ortalyǧynda «Bızben bırge» qaiyrymdylyq şarasy öttı.
Balalarǧa arnalǧan şarany Jergılıktı polisiia qyzmetı Astana qalasynyŋ Qoǧamdyq damu ısterı jönındegı basqarmasy, Tötenşe jaǧdailar departamentı jäne Qyzyl jarty ai qoǧamynyŋ elordalyq bölımşesımen bırlese ūiymdastyrdy. Özderıŋızge mälım, bıraz uaqyttan berı Astana qalasy äkımdıgı «Bız qauıpsız qala üşın» jobasyn qolǧa alǧan edı. Elordadaǧy qylmys pen jazataiym jaǧdailardyŋ aldyn alu, azamattarǧa qauıpsız, ömır süruge qolaily orta qalyptastyru bastamasy san-salaly baǧyttardy qamtidy. Jasyratyny joq, qiyn jaǧdaiǧa älı oŋ-soŋyn tanyp ülgermegen jetkınşekter men balalar jiı duşar bolyp jatady ärı mūndai kezde qalai äreket eterın bılmei abdyrap qalady. Äsırese, mäselenıŋ maŋyzy keşegı Kemerovodaǧy qaiǧyly oqiǧadan keiın arta tüskenı anyq. Sondyqtan jergılıktı poliseiler kısı qarasy mol oiyn-sauyq ortalyǧyna ädeiı baryp, kündelıktı ömırde jäne qoǧamdyq oryndardaǧy saqtyq şaralary, ört, jol-kölık apaty, ulanu, suǧa batu, qūlau sekıldı oqys oqiǧalar kezınde äreket etu men alǧaşqy kömek körsetu turaly jön sıltep, nasihat jūmystaryn jürgızdı. Aita keterlıgı, ıs-şara tanymdyq oiyn-viktorina türınde ötkızıldı. Belsendı qatysuşylarǧa arnaiy syilyqtar tabys etıldı. Osylaişa qūqyq qorǧau organdary qyzmetkerlerı özderı turaly jūrtşylyqtyŋ qasaŋ tüsınıgın özgertuge tyrysyp, yntymaqtasa jūmys ısteuge şaqyrdy.
Ädılbek JAPAQ
