Media ortalyqta Bas redaktorlar kluby Qazaqstandaǧy AQŞ elşılıgınıŋ yqpalymen jäne «Qazmedia ortalyǧy» basqaruşy kompaniia» JŞS bas direktory, klub müşesı Q.Sahariianovtyŋ kömegımen «Qazırgı media – dästürlı BAQ» taqyrybynda jurnalisterge arnalǧan oqu-ädıstemelık seminar ötkızdı. Şaraǧa 20–dan asa BAQ ökılderı, blogerler jäne özge de äleumettık toraptarmen ainalysuşylar qatysty.
Jiyndy aşqan klub prezidentı Kenjebolat Joldybai basqosu qoǧamdyq bırlestık pen elşılıktıŋ arasynda qalyptasqan dästürlı şyǧarmaşylyq yntymaqtastyq şeŋberınde atqarylyp otyrǧanyn atap öttı. Oqu-ädıstemelık seminardyŋ maqsattaryna toqtalǧan ol bügıngı jurnalistikanyŋ damu qarqynyn tılge tiek ettı. Alaida, käsıbi bılıktılıktıŋ kürt tömendeuın de söz ettı.
