Nur Otan partiiasynyŋ ökılderı elordadaǧy №11 emhana ūjymymen kezdestı. Jüzdesu nasihat jūmystary aiasynda öttı. Kezdesude nūrotandyqtar emhana qyzmetkerlerın eldıŋ tūrmys sapasyn arttyruǧa yqpal etetın sailaualdy baǧdarlamanyŋ negızgı tarmaqtarymen tanystyrdy. 
Jiynda №6 emhananyŋ bas därıgerı Dinara Baiserkina qatysuşylarǧa därıger mamandyǧynyŋ märtebesı turaly aityp berdı. Qoǧamda därıgerdıŋ märtebesı biylǧy pandemiia jaǧdaiynda arta tüstı. Olar bar qiyndyqty halyqpen bırge eŋserıp, özderı men otbasylaryn oilamasa da, nauqastardyŋ jaǧdaiyn jasauǧa tyrysty.
Nur Otan partiiasy medisinalyq-äleumettık kömek berudı basty mındet sanaidy. Osy ındet kezınde partiia ökılderı el azamattarynyŋ ömırın jaqsartuǧa baǧyttalǧan şaralarǧa belsendı türde aralasty. Jaǧdaiy qiyn otbasylarǧa azyq-tülık paketterın taratty, kömekke zäru azamattardyŋ bärıne qol ūşyn sozuǧa ūmtyldy, – deidı ol.
Sailauşylar tarapynan densaulyq salasyn jaqsartuǧa qatysty ūsynystar da tüstı. «Olimp» klinikalyq-diagnostikalyq zerthanalar jelısınıŋ bas direktory Erlan Süleimenov öz sözınde eldıŋ äleumettık-ekonomikalyq ömırınıŋ qandai bolatyny däl osy därıgerlerge bailanysty bolatynyn, sondyqtan olardyŋ jaǧdaiyn jasau maŋyzdy mäsele ekenın jetkızdı.
«Ūlt saulyǧy qai deŋgeide bolsa, qoǧamnyŋ damu qarqyny da sol şamada bolady. Sondyqtan el erteŋın oilasaq, aldymen därıgerlerımız eŋbegıne qarai laiyqty jalaqy aluy kerek. Olar tūrmysymdy qalai retteimın dep alaŋdamai, tek pasientterdı emdeudı ǧana oilauy kerek» dedı bas direktor.
Mügedekterge arnalǧan Ortalyq klinikalyq gospitaldıŋ direktory Dinara Orazalina adam ömırı – basty qūndylyqqa ainalǧan qazırgı kezeŋde partiianyŋ qosyp jatqan ülesı köp ekenın alǧa tartty.
«Partiianyŋ sailaualdy baǧdarlamasynda negızgı 10 syn-qater anyqtalyp, jazylǧan. Sonyŋ ışınde eŋ bırınşı orynda densaulyq saqtau salasy tūr. Bügın bızdıŋ sektordy damytu üşın därıgerler men medbikelerge qosymşa aqy tölenude, medisina qyzmetkerlerıne arnalǧan jataqhana qūrylysy jürgızılude, medisinaǧa qoljetımdılıktı bırtındep qamtamasyz etu jūmystary jasalyp, onkologiialyq ortalyq pen infeksiialyq auruhana qūrylysy aiaqtalyp keledı. Būl partiia jūmysynyŋ bır parasy ǧana, – deidı ol.
Mäslihat deputaty Aman Aiupov bolsa öz tarapynan sailauşylardy Nur Otan partiiasyna dauys beruge şaqyrdy. «Biyl elımızde bırınşe ret praimeriz ötkızıldı, jaŋa adamdar keldı, partiia jaŋa ıstermen jäne esımdermen tolyqty. Qazırgı taŋda mäjılıs pen mäslihat deputattyǧyna ümıtkerlerdıŋ bärı de osy ıspen ainalysyp, sailauşylaryn sailaualdy baǧdarlamamen tanystyruda. Sondyqtan būl bügınde bärımızge ortaq ıs, – dep atap öttı deputat.
Nūr-Sūltan qalasyndaǧy Nur Otan partiiasynyŋ sailau qorynyŋ qarajatynan tölendı.