Jyldaǧy dästür boiynşa qystyŋ alǧaşqy künı, Aqorda aldynda bas şyrşanyŋ şamy jaǧyldy.
Biyl ūiymdastyruşylar şyrşa şamyn jaǧu arqyly balalar men jastardyŋ sportqa degen qyzyǧuşylyǧyn arttyryp, salauatty ömır saltyn nasihattaudy basty maqsat etıptı. Sonyŋ bır aiǧaǧy retınde biylǧy şyrşa şyraǧdanyn jaǧu qūrmetı äuesqoi bokstan älem chempio-ny, halyqaralyq sport şeberı Daniiar Eleusınovke būiyrdy. «Jylan jyly el sporty üşın jetıstıkterge toly boldy. Bügınde düniejüzı Qazaq elın jäne qazaqstandyq sportşylardy jaqsy bıledı. Tolaiym tabystarymyz bola bersın. Keler jyldan da ülken jetıstıkter men jeŋıster tıleimın» dep ızgı tılegın jetkızgen jas sportşy 25 metrlık şyrşany qol işarasyn jasap, samaladai jarqyratty, ıle-şala küllı respublikadaǧy şyrşalardyŋ, sonyŋ ışınde elordadaǧy eluden asa jaŋajyldyq şyrşalar jaryqqa bölendı.
Saltanatty şaranyŋ qūrmetıne «Köŋıl-küi qūbylysy» atty teatrlandyrylǧan qoiylym körsetıldı. Jyldyŋ tört mezgılın bimen beinelep, kısı boiymen bırdei quyrşaqtar jūrşylyqty ertegı älemıne jeteledı.
Aiaz ata men Aqşaqardyŋ beinesındegı akterler Ǧani Qūljanov pen Anna Burbukina da jyly lebızderımen toidyŋ sänın aşa tüstı. Jaŋa jyl, eŋ aldymen, balalarǧa qyzyqty. Sondyqtan merekelık qoiylymǧa qyzyldy-jasyldy kiıngen 4 myŋnan asa elordalyq oquşy qatysty. Merekelık köŋıl-küi Medet Şäikelov, Marjan Arapbaeva men Rüstem Jügınısovtyŋ oryndauyndaǧy «Sport, sport, sport» änımen qyza tüstı.
Şyrşanyŋ şamy jaǧylǧan soŋ, 7 minuttai otşaşu boldy.
Qymbat NŪRǦALİ
